Nenung Atau Babi

 

Nenung Atau Babi | adat iban kelia | Nemu Kita

12/06/2012 | Leave a comment

 
 
 
 
 

 

1 Votes

 

SUKUT NEMU KITA ?

NEMU KITA ?

Enti maya bisi pengawa bepegai ka piring. Suah kitai nya meda orang betenung ka atau babi. Kelia menya aki enik kitai bekena ka atau babi kena nilik nasit diri. Kasih ga tudah babi dibunuh pia aja. Selalu sida manang, sida beliau tauka bisi penemu ngereja pengawa berat tu. Nyema enti tilik atau babi enda manah, tangkap babi siku peda baru ga atau. Ka perchaya tauka enda adat iban tu endang dikembuan aki enik kitai menya. Tang enti ari penemu sains, nama meh kaul nasit mensia enggau atau babi. Nadai reti. Tang pelaba aku, atau babi sigi enda sama nitihka spesies babi, tauka nitih ka penggerai babi nya. Atau babi ti peda sida manang nitih mega, nitih ka penyampat sida bepeda ka atau nya. Nyema enti kelalu laun, atau nya deka bebali. Nemu-nemu meh kitai.

Ukai utai nya deka dipejurai ka aku sekali tu, tang deka bekunsi enggau kita leka jaku dikena nyebut bagi atau babi..

Kala kita ninga utai di kumbai orang

Empedu chiru
Empedu penuh
Empedu kesat
Empedu ngelentik ujung
Empedu petul ujung
Empedu juring ujung
Empedu langgar urat
Empedu belamun
Telesit panjai
Telesit pandak
Tali Gayu panjai
Tali gayu pandak
Nadai Tali gayu
Andau petara
Nadai andau petara
Semak antu
Jauh antu
Telinsung mit
Telinsung besai
Nadai telinsung
Ngelempis
Ngelembo’

Enti bisi sekeda kitai empai nemu.. peda baruh tu..

Empedu chiru- Reti ya ngayuka orang empu nya gerai
Empedu penuh- Bulih utai
Empedu kesat- Enda berapa manah
Empedu ngelentik ujung- tajam penemu/kering penemu
Empedu petul ujung- pabu runding
Empedu juring ujung – kempang ati/ngembuan penemu mutus
Empedu langgar urat- enda berapa manah…bisi penyakit.
Empedu belamun- enda tampak rita
Telesit panjai- bulih utai
Telesit pandak- kurang kaul enggau orang
Tali Gayu panjai- badas
Tali gayu pandak- enda brapa manah
Nadai Tali gayu- enda manah..tau di timuh baru
Andau petara- semak enggau antu…bisi antu nulung
Nadai andau petara- nadai antu nulung/jauh antu/Petara
Semak antu- bisi antu/Petara nulung
Jauh antu- nadai Petara nulung/jauh

 

Agi empai nyemetak kini.. tu pejurai bisi dalam mimit….

 

Empedu chiru
– bepengerai sereta ngembuan ati ti manah sereta lurus

Empedu penuh
– Kelalu penuh enda manah tau di kumbar ngelanjur ba orang ka baru ngangkat ka diri tauka ngepun ka pengawa
-Tang manah ba orang ka kaya sereta bepangkat.

Empedu kesat
-Enda manah laban idup deka nadai pengerai sereta enda tulihka utai

Empedu ngelentik ujung
-Ba orang ka sekula, polis, sedadu enggau orang ka muting geraji manah
-Tang ba orang ke gawai sakit jai laban ngayuka kelentik ujung sentubung

Empedu petul ujung
-Enda mutus ati , nadai dikelala orang sereta tusah deka bepangkat

Empedu juring ujung
– Tajam sereta berani ati .

Empedu langgar urat
– Enda manah laban ngayut ka rabat ba orang ke begawai sakit
-Ba orang ke gawai bukai mega enda manah laban dalam pengidup deka mayuh penguji sereta penanggul besai

Empedu belamun
– Kumbai orang serangkap pua kumbu ba gawai sakit
– Ba gawai bukai enda tulih ka utai sereta nadai bepangkat sekali dalam pengidup
-Enda ulih nyadi ka tuai sereta sepemanjai umur gawa di baruh orang

Telesit panjai
-manah

Telesit pandak
Enda manah

Tali Gayu panjai
-panjai umur

Tali gayu pandak
– Enda gayu

Nadai Tali gayu
-umur serekat

Andau petara
– penyemak \penyauh ari petara

Nadai andau petara
– jauh petara

Semak antu
– bisi utai nulung

Jauh antu
– nadai dipeda sereta di peratika petara

Telinsung mit
-nadai benasit

Telinsung besai
-manah , gerai sereta deka bulih utai

Nadai telinsung
-enda tulih ka padi \ nadai telinsung tibang

Ngelempis
-atau ngelempis \ idup mua mata , merinsa ngidupka diri

Ngelembo’
– Tampak rita jelai nama.

 

Oh haaa…nya ia bulih..enti nyema bisi salah tau ga kita madah ba baruh tu.. tu mina pansik aku ari internet aja.. sumber asal Sulu Sebauh..

http://bizniz87.wordpress.com/2012/06/12/nenungataubabi/

About these ads

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s