3 Bengkah Main asal Iban

There are 3 categories of Iban original play:

a) Main adat basa
b) Main pemerindang
c) Main invokasen

Can also be divided into main bernyawa (neba/ngesuhke nyawa) tauake enda ngena nyawa (bakake bejaku aja).

Main adat basa
Dalam kelas Main Asal Adat Basa, leka main tu dikena lebuh maya bisi pengerami gawai baka pengawa melah pinang sereta pengerami ke bukai.

Adat basa nya tikas peninggi asil intelektual dalam batang pengidup tauka daya idup kitai bansa Iban laban daya idup kitai bansa suah bendar dipancharka ari penalam runding, peninggi adat, pengalus budi, pementas basa enggau pemaiulah ti manah.

Chara dikena mantaika ukur tu suah dirintai tauka dikereja ngena leka main baka sida:
– Geliga,
– Renung Adat,
– Dungai,
– Pantun Puji,
– Kujuk Panggang,
– Tanya Indu,
– Ambi Lelaki,
– Nan/Muka Kuta enggau ti bukai.

Chunto leka main tu mandangka adat sereta basa ti tau diperatika kitai udah tu ila.

Main Asal Pemerindang
Tu leka main ti bekaul enggau pengawa ke digaga bala Iban lebuh maya lemai ari tauka lebuh bisi dikena merindangka pangan diri.

Leka Main tu dikena merindang ngelantangka ati, bungah, muji, ngelugi enggau ngelangkung.

Kelia menya apin maya bisi radio enggau tibi, tu mih chara bala kitai Iban nyerakup ka kaul enggau pangan. Bala anembiak dia maya hari nyelinting lemai, udah mandi makai semua indah, sigi begempuru duduk begelumu ba ruai nganti sida ke tuai nusi ensera.

Ensera tu siti ari main asal pemerindang kitai iban, ensera ditusi pia aja enda benyawa, lalu enti iya ditusui ke ngena chara benyawa (dikana), dia ensera tu lalu dikumbai orang Pelandai (Ensera Keling enti dikanaka dukumbai orang Ensera Bujang Sugi).

Leka Main Pemerindang tu nyengkum sida:
– Ai Ansah,
– Denjang,
– Dindang,
– Dungai,
– Ensera,
– Entelah,
– Ganu,
– Jaku Berambai,
– Jaku Karung,
– Main anak Mit,
– Pantun,
– Pelandai Karung,
– Pelandai Ara,
– Puchau,
– Ramban,
– Renung Semain,
– Sugi Semain enggau ti bukai.

Main Asal Invokasyen
Tu bekaul enggau pengarap Iban sereta ngelebihka pengawa ke bisi kaul enggau Petara baik iya maya gawai ti bekaul enggau umai, lebuh ngubat orang ke sakit tauka lebuh bisi pemati.

Leka main ti disebut dalam tusun invokasyen tu ngerintaika bansa main asal ti dikena ngagauka Petara.

Main asal Invokasyen nyenkaum sida:
– Sampi, Biau,
– Pengap,
– Sabak,
– Pelian,
– Timang,
– Renung,
– Sugi Sakit,
– Pelandai Sakit enggau ti bukai.

Enti ngesuhka main asal Invokasyen tu maya ka bisi gawa, iya meseti disempulangka enggau Piring Ading.

Main asal benyawa
Kitai Iban ngembuan mayuh bansa main asal benyawa (Bisi Patah Nyawa tauka Tune) ke ngena tusun jaku ke setimbal sama semunyi:
– dalam mayuh bengkah Pengap, Renung, Ganu, Sanggai, Pantun,
– Timang Jalung, Timang Kenyalang sereta Timang bukai,
– Sugi, Dungai, Jawang, Ramban, Pelandai, Sabak, Pelian enggau sekeda main asal bukai.

Main asal bukai ke enda ngena nyawa
Tu nyemkaum Sampi, Biau, Ai Ansah, Geliga, Entelah, Ensera enggau ti bukai.

Reference:
http://ibanpedia.wordpress.com/category/main-asal-iban/
http://gnmawar.wordpress.com/gawai-iban/
http://gnmawar.wordpress.com/ensera-iban/
http://gnmawar.wordpress.com/leka-main-iban/
http://gnmawar.wordpress.com/jerita-lama/
http://gnmawar.wordpress.com/main-asal-iban/

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s