Ensumbar tauka juluk nama Iban (Praise name)

Bisi bala ba ruai iban FB kala nanya aku entang ensumbar tauka nama juluk kitai Iban kelia. Sekeda nanya ari ni penatai nama nya, lalu bisi mega nanya kati tau nitihka peneka ati ngaga nama ensumbar kediri?

Tuju ensumbar tu dikena ngaga gegelar tauka jejuluk tauka nama dikena ngangauka orang ngambika iya teperansang ati ngereja pengawa enti lebuh ensumbar iya disebut. Enti kelia, ensumbar digaga nitih ka penuai bulu siku-siku, selalu iya pungka lelaki ngembuan ensumbar ti panjai, lalu ensumbar iya nya bekait enggau pengawa kayau ti dibatak tauka dikereja iya, ensumbar ti ngayanka pemerani, lalu siti ari tuju ensumbar tu kelia dikena ngelemi ka pala patung (ngenakutka) munsuh laban maya ka betempuh, Iban selalu iya dulu madahka nama enggau ensumbar diri.

Laban diatu menua nyau likun, pengawa ngayau udah lama gak nadai agi, tang bansa kitai Iban kemaya hari tu agi mega bisi begagaka ensumbar diri kena ngenanka pengawa asal kitai kelia, lalu ensumbar sida bisi bekaul enggau pengawa sereta perangai orang ke empu iya.

Ba baruh tu aku bisi nyelitka chunto ensumbar kitai Iban…

1) OKP Dana ” Bayang” – ngayau sampai ke Sambas ngau nyadi tuai ngayau lus

2) Linggir “Mali Lebu” – belaban ngau bala ribai ba Beting Maru.

3) Mujah “Buah Raya” – matak bala pindah ke Kanowit

Ensumbar tau berubah nitihke pengawa urang ke ngempu ia baka ngek Libau Rentap:

Libau “Rentap” beensumbar ke baka tu:
“Sumpit lasit tibung temaga,
Sumpit mit nyimpak jerit Bintang Tiga,
Labuh ke baruh munuh nyumbuh jelu raya,
Makai nuan Libau, Rentap Tanah, Runtuh Menua”

Aku mai bala pulai ngagai ensumbar baka enggi Rentap kelia. Ensumbar bendar iya endang siti aja. “Rentap” nya ari ensumbar iya ke bendar lalu lekat nyadika nama iya. Sepengudah ke betempuh ba Lintang Batang enda jauh ari Kubu Skrang menya, dia bala sida ke indu lalu ngaga ensumbar baru ngagai Rentap baka tu:

Rentap Tanah, Rentap Menua,
Tuan Lee mati nadai diguna,
Tuan Bereton tau masukka kain,
Enda teanjungka bala Raja,
Rita Layang tampak terang,
Mandang ngagai Ai Rupa(Eropah)
Abang Aing badu agi ke pending bala,
Undup abis tepelut leka mata,
Balau badu agi bekerangau sebelah kerapa,

Juluk tauka gelar nama

Enti enggau pangan diri sereta dikena betundi nya dikumbai jejuluk. Enda jauh mega baka ensumbar. Baka “Bujang Runggu Ensing” “Bujang Lelayang” “Bujang Lelingai” ngambi sekeda chunto ke senang sereta semak agi. Tau mega dikena kitai ngagai jejuluk diri. Peratika gaya pendiau kitai lalu tau digaga.

Ulih digaga baka tu ” Bedilang besi mandi sehari mali basah, Orang lelaki ke liat ati mali ngalah”. Nya ke chunto aja nya.

http://ibanpedia.wordpress.com/category/leman-bukai/

http://forum.engkabang.net/index.php?topic=20502.0

2 thoughts on “Ensumbar tauka juluk nama Iban (Praise name)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s