PEMINDAH IBAN KE UNDUP

PEMINDAH KE UNDUP

Batang Undup enggau Kumpang tu endang bagi menua ti keterubah endur Iban pindah ari menua Kalimantan Indonesia ke diatu. Uchu Senggalang Burung ke benama Surung Gunting ke diau di Merakai dalam Kapuas, kala ngatur aum kena mai bala ngiga jalai angkat ke Undup enggau Batang Ai.
Ari Merakai, tuai siku ke benama Kujup, ari asuh Surung Gunting, matak bala pindah sereta diau di Undup. Nanga Undup tu enda jauh ari pasar Sri Aman(Simanggang) kitai ke diatu. Jerita ba pasal tubuh Kujup tu enda mayuh ditemu tang iya tu dipelabaka bansa Dayak Maluh. Kujup tu mih orang ti keterubah iya mungkal Pendam Ruding Embawang ke enda jauh ari nanga Batang Undup tadi.
Sepengudah pemindah Kujup tu, dia bisi siku agi peturun Iban ke benama Jelian matak bala angkat ari Ketungau pati Kapuas mindah ke Undup. Jelian kenu ku jerita diau di Wong Empangu endur iya ke jadi enggau indu siku ke benama Tiong, anak tuai bansa Kantu iya nya Beti.
Siku agi tuai ke matak bala angkat ke Undup nya Langkup. Langkup tu suah dikeingatka laban penanggul iya enggau bini iya. Bini iya nya tadi sebaka nama enggau iya- Langkup. Ari tu nya tadi, dia bini iya nukar nama ngagai Lemok.

Pemindah ke Undup ditampung siku tuai ke benama Gelungan ke datai ari Merakai lalu diau semak Bukit Balau Ulu ke enda jauh ari garis menua Sarawak-Indonesia di entigis ulu Undup empu. Sepengudah ke diau dia, sida Gelungan lalu angkat nguluka bala iya pindah baru lalu diau ba menua ke dikumbai Bukit Balau ke enda jauh ari menua Sri Aman ke diatu. Ketegal ke udah dua kali diau ba menua ke sebaka nama “bukit Balau” dia Gelungan enggau bala iya ngambu diri nyadi Iban Balau. Baka nya mega sida ke diau di Batang Undup lalu ngaku diri nyadi Iban Undup.
Lebuh ke ba Bukit Balau, Gelungan jadi enggau indu ke benama Sendi. Udah tu, iya lalu mindah ke Sebuyau pati Batang Lupar. Bala ke diuluka iya ditu lalu ngambu diri nyadi Iban Sebuyau.
Ari Nanga Sebuyau, Gelungan pindah baru ke Sadong. Ditu iya parai tuai lalu bala iya angkat mindah nuju menua Merdang Gayam, Merdang Limau, Merdang Lumut, Samarahan, Tabuan enggau Lundu.
Sekeda peturun Gelungan tu agi meruan diau semak menua Kuching ke kemaya hari tu. Sida tu meruan ngumbai diri Iban Sebuyau nyentukka seharitu.

http://forum.engkabang.net/index.php/topic,21391.100.html

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s