Peturun asal Iban

Bansa Iban tu lama udah pindah sebelah pulau Borneo tu kenyau ari kelia. Jerita pasal pemindah sida tu ke Sarawak sereta ke menua bagi ke 2 endang ditampung ari siku ngagai siku. Taja pia, nadai udah jerita tu ke kala dikenataika ngena jalai surat. Nitihka jerita tuai, aki ini bansa Iban tu idup ba menua jauh ba Timur Tengah. Menua tu suah disebut dalam leka tusut sida ke landik dalam pengawa betusut. Jerita bisi nyebut Bujang Ganggam diau ba kampung besai, Bujang Mereti diau ba babas sereta Bujang Biak tu bejalai matau menua.

Sida 3 tu diau ba menua ke diibun Kumang. Menua tu mega diibun Lulung. Nitihka pengarap sereta jerita tuai, menua tu betiban enggau menua Mekah kemaya hari tu. Iban mindah ari menua tu ke Sumatra lalu ari nya sekeda ari sida iya matau pulau Borneo lalu ngentapka diri di Kapuas. Maya tu menya nitihka jerita petara kitai Iban pansut nitihka jerita tuai baka sida Senggalang Burung. Di Kapuas tu mih Iban begulai enggau petara sereta belajarka pasal adat ke dipegai dititi kitai Iban nyentukka seharitu.

Ari kapuas tu mih bansa Iban keterubah iya berengkah angkat mindah ngachir nitihka tusut kita kelia. Maya tu mega bisi siti raban ke asal iya ukai ari Kapuas nya mindah lalu netap di menua Tanjung Datu ke diuluka Sabatin enggau Drom. Ari raban tu ukai semina ngenataika bansa Iban tang enggau bansa Melanau.

Raban sigi agi datai ari Jawa lalu sangkai di Marudu enda jauh ari Brunei. Peturun sida tu bisi nikal baru ke Indonesia ke endur iya bebini lalu nurunka tuai ke nguluka Iban pindah ke Sarawak.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s