Leka Main Nyali Mupu

Leka Main – Kenyali Mupu

Tak lengau-lengau anak Puntang Kenyalang Kenyali Duau,
Baru datai ari menoa raya sida iya empu di batu dugu-dugu dugau,
Di telok lubok kaki rantau,
Tumboh batang tapang kasindau,
Dan balat tetensam tepan kaban tunggok tuwau,
Ke benyawa tekau-tekau munyi gembau ngua jayan pemandang bujang.Naka meh pengelembau aku dibai anak bujang lemambang empeliau,
Niti sentali rumah gegiau enggi kita ditu,
Lalu tama ngagai penaik bilik baik baka tasik nanga terisau,
Bilik besai enggi kita baka balai tuan Lau.
Raja meh kita diau di menoa baroh singka miga rechau.
Satawak enggi kita baka lidak ngaki tajau,
Baku indu enggi kita baka dugu dipangkang kitai ke begempuru dudok berandau.

Nya alai anak bujang lemambang empeliau tu enggai enda minta ading kita enggau pamping piring lingkau,
Enggau telu manok indu kepayang mekang.
Nya alai aku ninggal ka papatat ubat kena kita diau,
Genuling taring nabau ulih kami nyengkau di rantau lega langkang,
Tu ga dikena kita chachangok dudok dedugau,
Ngibun kubau ngadu ka pengachau ngator penyampau wang timbang.

Tak lama sikok-sikok meh anak puntang kenyalang kenyali rakok,
Baru datai ari menoa raya sida iya di batu dugu-dugu dugok-dugok,
Di rantau kaki lubok,
Tumboh batang tapang pagok,
Dan tak tetensam tepan kaban burong tunggok,
Ke benyawa sikok-sikok nyabak ka rayok bulan terang.
Naka pengelembau aku dibai kita bejalai niti ruai rumah nundok,
Lalu bai kita tama ka bilik baik baka tasik nanga sulok.
Raja meh kita diau di menoa baroh singka miga berasok.
Tajau enggi kita tak baka dugau indu kebok.
Tang anak bujang lemambang bunsu tuchok tu enggai enda di ading kita enggau pamping leka buah pinang.
Nya alai anak bujang lemambang tuchok tu deka ninggal ka kita pepatat ubat tandok pelandok ka penundok main bedagang.

http://gnmawar.wordpress.com/leka-main-iban/leka-main-kenyali-mupu/

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s