Sampi kangau minta tulong

Welcome To My Blog

Ni kitak aki petara ini,
Ni kitak apai petara indai,
Aku ukai ngangau ngapa,
Aku ukai ngangau aja,

Saharitu aku ngagau ke kitai mayuh, kitai banyak,
Minta tulong, minta sukong,
Minta usung, minta pandung,
Minta tela, Minta peda,

oooooo….hhhaaaaaaa
Tak lebih-lebih ku mantai ke seradak nyawa,
Tak genih-genih tudah diri nukang ke dabung geliga,
Laban enggau manuk banda kelapung tuntung,
Aku biau kitai ke sama sampal duduk betugung,
Aku sampi kitai ke sama begelumu duduk begenturung,

Ooooooo….
nama utai ke merenggong munyi renggong rimau taring,
nama utai ke bernaing munyi taing burung ensing,

Eeehhhh….
anang irau digenturung atau kandang dada,
anang risau diselepak kamai ati nyengenda,
Nya meh munyi jaku alu tuai rumah ke diasi ke ini andan,
Nya meh munyi sada kangau pemanca ke disagi aki landan,

Enti saharitu nuan datai,
Segi disambut kami ngena piring ngena ading,
Dipala tangga segi dianti kami ngena babi anak uting,
Ditengah ruai segi diancau kami tikai bemban disilup puting.

Enti pagila lusa ga nuan ngundang,
Anang meh nuan irau laban endang semampai dilambai,
Anang meh nuan risau laban endang semampai dikepai.

Neeeeiiiiiiii….
anang kitak irau tama nyingkang ke ruai,
laban kitak segi dibasa dianti berari enti ka nemuai,
Anang kitak merampau lalu meh ke tengah tikai,
laban kitak segi diasi ke kami nyadi temuai.

Ooooooohhhaaaa…..
Rumah pantak meh ngi kami,
nadai dientak ke tambak penti pemali,
Rumah panjai meh ngi kami,
nadai didiri ke pagar api,
Endang ari jeman segi enda kala dipeleba belachu tuchi.

Nya alai lalu meh ibu aya,
Nyadi meh rumah kami anang kitak nyima,
Ngajih ke kitai sama gerai ko selempandai,
Guru ko Sentuku,
Nadai apa ko Petara….

http://richardrickieakat.blogspot.com/2012/10/gigi-sihat-senyuman-menawan.html

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s