Bengkah leka main anak mit

bunga/bungai lepang – Sebansa leka main dikena nimang tauka merindang anak mit.

chai juai – Sebengkah ari main asal anak mit dikena sida merindang diri lebuh maya bebakih. Tiap iku nembiak ti ngambi bagi ngengkahka tunjuk antu besenutuk ujung enggau enggi pangan diri. Tuai main lalu nyebut leka main tu sambil negu tunjuk jari siku-siku. Sapa empu tunjuk ti ditegu iya kepenudi nya deka pampam. Reti leka jaku pampam nya ningkapka diri ba tikai enggau mata pejam. Lebuh tu orang bukai teruan. Iya ngangau kena nentuka bala udah terenah teruan. Udah orang bukai nadai nyaut agi iya berengkah ngiga endur sida teruan. Sapa dulu temu, nya mih nganti iya pampam. Main tu nadai tatak pengelama tang bepanggai ba pengerindu sida.

Chunto:

Chai juai belabung binjai,

Pancha ruga gendang nyala,

Ai sudik benung mantik,

Tanam rian buluh bala,

Tibak adung kelambung duku,

Indai Migang Indai Migu,

Din siku ditu dua.

dandi (bedandi inda-inda) – Main anak mit kena merindang diri empu. Anak mit betayun ba wa sambil nyadaka leka main tu.

Chunto:

Ka aku nyapit dit,

Ruai sebelah kilah nya dit,

Takutka Rintik bedama Ala,

Bedandi inda-inda dit.

Ka aku nyapit dit,

Ruai sebelah kilah nya dit,

Takutka Gupi anak Kana,

Bedandi inda-inda dit.

jerukan atap – Adat pemeri ngagai anak mit ti bedau tumbuh ngeli ke terubah nemuai

tauka tama ngagai bilik orang, kena nyeliahka ari renga-pedera.

(Chunto: sesingkap pinggai, chabi, beras etb).

pang kelipang -Sebengkah ari leka main anak mit.

pu alu – Sebengkah ari leka main anak mit.

tuk tungguk – Leka main anak mit.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s