BALU MENYAGU NGAU BALU BETUDUNG

UKIR BALU MENYAGU, PUA BALU MENYAGU, TANDOK BALU BETUDUNG NGAU TUGA KAYU BALU BETUDUNG

November 17, 2012

Edm.Rintai Uncategorized Leave a comment

UKIR BALU MENYAGU

Ukir Balu Menyagu tu ukir bansa Iban ke pemadu tinggi nama.

Sebedau aku ngenang pasal Ukir Balu Menyagu, dulu aku nusoi sekeda ari nama utai ke nyauka sama nama enggau ukir tu.

Pua tenun mega bisi benama Pua Balu Menyagu.

Tanduk ke muntat puntul, baka ke belabong mega dikumbai Tanduk Balu Betudung.

Pun kayu ke udah patah batang lalu tuga kayu nya ke agi bediri idup lalu ba abi ke patah nya udah dilamun kulit lalu tuga kayu tu nadai bedaun enggau dan pan dikumbai Balu Betudung.

Nyadi Tanduk Balu Betudung enggau tuga kayu Balu Betudung tu tau dirakit dikena ngaga Rajut Kebal.

Image Balu Betudung

Nyadi ukir ke dikumbai Balu Menyagu tu iya nya ukir daun ke digaga lekat ba tiang Balu Menyagu lalu nyerangkap niti baruh ramu *tutup tiang* ngelekai nyentuka tepantup ba tiang tisi dinding.

Nyadi tiang Balu Menyagu tu endur ramu *tutup tiang* bepanggai. Ramu *tutup tiang* ke bepanggai ba puchuk tiang Balu Menyagu tu endur ramu gelegar ara sadau tepangai.

Ba rumah panjai, tiang ke digaga nyadi tiang Balu Menyagu iya nya tiang Pengait ba tempuan enggau tiang Penyandih ba antara ruai enggau pantar.

Chara orang ngaga tiang Balu Menyagu iya nya ba puchuk tiang nya digaga laja ke enda berapa panjai.

Ba ramu *tutup tiang* ke dipangai ba puchuk tiang Balu Menyagu digaga lubang sumping endur ngemasuk ke laja ba puchuk tiang Balu Menyagu lebuh ramu *tutup tiang* tu dipangai atas puchuk tiang nya.

Lubang sumping ba ramu *tutup tiang * tu enda digaga tekebus, semina setengah aja ramu *tutup tiang* tu ditebuk endur ngemasuka laja ba puchuk tiang Balu Menyagu.

Nyadi tu utai ke dikumbai Tiang Balu Menyagu.

Udah tiang balu Menyagu didiri, digaga, nya baru orang ngaga ukir daun ke betebuk ba papan.

Pun batang ukir Balu Menyagu tu engkabit ba puchuk tiang Balu Menyagu lalu batang ukir tu lekat baruh ramu *tutup tiang* lalu nyuntai sepemanjai baruh batang ramu *tutup tiang* nyentukka tepantup ba tiang tisi ruai.

Nyadi ukir daun tu dikumbai UKIR BALU MENYAGU laban iya lekat ba tiang balu menyagu .

Ukir Balu menyagu ke bepenuduk bakatu meh ke amat amat dikumbai ukir Balu Menyagu.

Iya enda tau enda ukir ke betebuk lalu ingap ba endur ke patut ke nyadi pemai iya disebut ukir Balu Menyagu.

Ba pengawa ngukir, mayuh pemali. Pemali tu tau dipenyadi awakka iya enda pulai ke penusah, pengelayu ayu, pengalah bulu.

Orang Iban kelia mangkang tempayan ke karung semengat enggau duku ke kering semengat.

Lebuh orang ngaga ukir ke tinggi pangkat enggau ukir ke berantu, sida dulu ngetup besi dikena sida ngeringka semengat lalu bepaut ba moa tempayan dikena sida ngemasuka semengat ke dalam tempayan.

Udah sida nyebut sampi minta Petara nyangkung, ngurung, ngeringka semengat nya baru sida berengkah ngukir.

UKIR RANDAU RAMBAI

http://rintai62.wordpress.com/2012/11/17/ukir-balu-menyagu/

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s