Bua pua: Lebor Api, Bali Belumpong ngau Nyemalau Labang

LEBUR API

January 29, 2011

Edm.Rintai Uncategorized Leave a comment

Reti leka jaku Lebur ba Iban iya nya utai ke lela laban pengangat diang tauka tunu api. Siti chunto iya nya besi ke lela ditunu. Besi ke lela laban pengangat tunu api nya mirah lalu besi ke lela nya dikumbai Lebur.

Nyadi reti leka jaku Lebur Api ti dikena ba nama pua kumbu iya nya chura pua tu nyauka sedampar bechura mirah redam enggau burak puda lalu lilit tisi iya pan nadai beselat enggau lilit chura bukai.

Pua Lebur Api tu nadai nyengala bisi bebuah ke nyemetak enti dibanding enggau Pua Nyemalau Labang.

Ba tanggung pengawa naku igi mudan, pua Lebur Api tu semina dikena naku igi mudan ke UKAI igi mudan raja berani munsuh.Nya kebuah ikas peninggi pangkat pua Lebur Api ba tanggung pengawa naku endang baruh agi ari Pangkat pua Nyemalau Labang.

Pua Nyemalau Labang buah enggau lilit tisi iya nya meh ke ngangkatka tikas peninggi nama iya enti dibanding enggau semua pua kebat ke bukai ba menoa ai batang Padeh, Betong. http://rintai62.wordpress.com/
BALI BELUMPONG

January 29, 2011

Edm.Rintai Uncategorized Leave a comment

Buah pua Bali Belumpong tu semina ba ruang punggang setak – setak. Ba ruang tengah iya nadai buah lalu lilit tisi iya pan nyauka baka lilit tisi pua Lebur Api, nadai beselat chura kelimpah ari mirah.

NYEMALAU LABANG

January 4, 2011

Edm.Rintai Uncategorized Leave a comment

Pua ke bebuah manah mati ulih negika takang rangkang aping mati, peda lemai udah tendai sampai punggang. Leka main dikena nyebut pemanah buah pua ke dikumbai Nyemalau Labang. Diperatika ari lemai nyentukka pagi baru datai ba punggang. Utai dikumbai punggang nya ujung pua.

Pua kumbu ke dikumbai Nyemalau Labang tu siti nama pua tunggal lalu ke pemadu tinggi nama pua dalam btg Padeh, Betong.

Utai ke nyengala bisi ke buah dalam pua tu iya nya engkeramba antu gerasi, baya, kukut kemebai lalu lilit tisi iya bechurak burak baka lilit tisik ular kendawang.

Pua Nyemalau Labang tu meh pua ke dikena naku igi mudan Raja Berani munsuh. Nya kebuah iya jarang disebut laban tanggung guna iya ba pengawa naku tu ukai dikena ke sebarang pala munsuh.

Orang ke empu dengah pala munsuh ke ditaku ngena Nyemalau Labang tu enda milih sapa sapa empu.

Lebuh maya gawai burung, pua Nyemalau Labang tu diredai ngimbai tampun tauka tusuk igi mudan, enti igi mudan dia bisi Raja Berani munsuh.

Ba pengawa nyenggai pemati Raja Berani, pua Nyemalau Labang tu dikena ke baya pandang lalu diredai tungga keatas tisi pala bangkai Raja Berani.

Lebuh maya nganjung Raja Berani ke pendam, pua Nyemalau Labang tu dikena mungkur sentubong. Iya enda ditumbak enggau sentubong tang dibai pulai ke rumah baru. Sebedau dibai niki ke rumah ujung pua tu dipuru ngena ai, dikena muai penti pemali. Datai dirumah iya lalu diredai awakka rangkai , udah nya baru naruh.

http://rintai62.wordpress.com/2011/01/

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s