DUKU LANGGAI MANUK, NYABOR, ILANG NGAU PEDANG

DUKU LANGGAI MANUK

January 8, 2011

Edm.Rintai Uncategorized 1 Comment

Duku langgai manuk tu siti ari pemaioh bansa raban duku Iban, tang agi bisi dua iti bansa duku ke bisi disebut dalam leka biau menua manuk ke munyi tu.

Di munggu wi seru dudi dibatak dulu bekelidak nyadi sana. Di rantau madang sibau dudi ditelan dulu masam tama nyawa. Kaki diungki enggau tali ubung benang. Pala ditata lala minyak kepayang. Patuk dirasuk bentuk tinchin tumpang. Belanggai manuk tawai ke gansai mata ILANG. Beiku manuk kelabu ke duku perapang PEDANG……………..Taja pan dua bansa duku tu bisi disebut ba leka main, asal dua bansa duku tu nampong tusoi orang ke tuai, ukai duku bansa Iban. Duku Ilang enggi bansa Orang Ulu lalu pedang tu penatai asal iya ari menoa Sulu.

Limpang dulu ari cherita duku langgai manuk lalu ngenang chara orang kelia ngambuh duku Nyabur.Nitihka padah 0rang ke tuai kelia, bisi dua chara ngambuh duku nyabur. Laban duku ke bakatu enda tau digaga sebarang orang enti orang nya bedau kala bedengah basah jari.Tang taja pia kitai sama nemu ukai semua orang ke udah bedengah bisi ngembuan pengelandik nempa duku.Nambahka nya mega dalam sepintu bilik semua orang ke lelaki angkat bujang endang tiap iku mesti bisi duku nyabur dikena sida bejaga besedia ari serang munsuh. Ti nganti orang ke udah bedengah ngambuh nyabur ka sida, dipelaba enda genap siku-siku bisi nyabur.

Nyaalai chara ke dikena orang ke bedau kala bedengah tang bisi pengelandik ngaga duku iya nya sida betuai ka mimpi, besandingka piring, berunsut ngena sakang dinding bulu lebuh ngambuh duku nyabur awakka enda gugur bulu alah ayu. Lebuh maya nurun ngambuh sida ngena daun kayu nensang lubang pending laban enggaika ninga burung. Endur orang kelia nudukka peputan mega endang semak tebing ke bisi wong. Kebuah pia laban munyi gugu pengelabuh ai wong ulih ngemengalka sida awakka munyi burung enda didinga sida.

Datai ba endur ngambuh sida lalu berunsut sakang dinding bulu lalu berengkah miring. Tembu miring api arang lalu dipenyadi, dipuput ngena peputan. Besi ke deka dikambuh lalu digigit dulu kena ka pengering semengat. Udah nya lalu diindik ngena kaki laban enggaika alah ayu. Udah nya besi nya lalu ditunu, ditempa, dipikir lalu disepuh.

Nyadi jaku ajar aku ngagai kita ke biak ke bisi ngembuan nyimpan nyabur ke udah kala dikena bedengah kelia, enti kita bisi ati deka nyeruri tauka ngadu ka sarang duku nya, kita mesti ngindik lalu ngigit mata duku nya dulu sebedau ngadu sarang ke jai. Penulah bukai engka nadai tang enggaika tapa jari kita ngerupak . Gambar duku ke ayan ditu iya nya dikumbai kitai Iban, Duku Langgai Manuk. Aku minta ampun enti utai dipadah aku ditu bisi salah tauka enda sama enggau chara ke ditemu kita.
One Comment (+add yours?)

js
Apr 18, 2013 @ 21:21:03

Your comment is awaiting moderation.

Nyadi duku langgai manok tu dikira nyabur ka? Ukai ilang tauka pedang ba runding aku.

Nama kabuah duku tu dikumbai langgai manok? Laban bentuk iya melengkong ba bulu langgai manok sabong kini?

Nama kabuah ngaga bentuk ti melengkong nyak?

Nama duku tu tau kena ngayau, bumai (nebas ngau nebabg) tauka bebela ke utai?

http://rintai62.wordpress.com/2011/01/08/duku-langgai-manuk/

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s