Guna buluh bala, buluh lalang ngau buluh bukai

BULUH BALA

January 28, 2011

Edm.Rintai Uncategorized Leave a comment

Buluh tu sebansa ari raban utai tumbuh ke bisi lubang dalam batang ke dikumbai ruas lalu antara sepemanjai lubang dalam batang buluh besapatka buku.

Bisi mega utai tumbuh ke bukai ke bisi lubang dalam batang ke dikumbai enterekup. Tang ba jaku Iban enterekup tu ukai dikumbai buluh.

Ba jaku kitai Iban raban utai tumbuh ke belubang dalam batang (ruas enggau buku) bisi maioh bengkah nama. Nama sida nya, munti, payan, buluh bala (batang bechura kuning) buluh balui, buluh aur, buluh muntat, buluh lalang, buluh aur pantang enggau buluh engkalat.

Nyadi buluh muntat tu buluh ke nadai ruas (lubang dalam batang) lalu bisi tumbuh di menoa kitai ditu. Lalu anang kelalu alit ati enti bisi tetemuka orang ke nyual ubat ngelakuka buluh muntat tu ba kaki lima pasar.

Nyadi utai ke dikumbai buluh lalang iya nya buluh ke tumbuh ba tinting nadai utai ngayong, ngelindong lalu kena panchar matapanas. Buluh lalang tu tan sereta kering agi ari buluh ke tumbuh ba emperan, ayong lalu lindong panchar matapanas. Iya enda dempa bubuk lalu nya kebuah orang selalu ngena buluh lalang tu ngaga engkeratong, tungkin, temilah, bungkan, jerungkan, mata peti, laja, semilu, kesuling enggau maioh utai bukai. Enti iya udah lama dikirai iya kering serta tajam enti digagaka laja, mata peti enggau jerungkan.

Utai ke dikumbai jerungkan nya buluh ke udah dikirai lalu dilancham, diujak ngelingi rumah lalu orang ke nerubuk ka masuk rumah enda beradat, tauka munsuh lalu kena achuk buluh nya.
No Comments (+add yours?)

js
Apr 18, 2013 @ 21:27:13

Your comment is awaiting moderation.

Nyadi nama utai ke dikumbai buluh bala deh?

Reply

js
Apr 18, 2013 @ 21:34:58

Your comment is awaiting moderation.

Ulih madahka guna setiap bengkah buluh tu:

munti, payan, buluh bala (batang bechura kuning), buluh balui, buluh aur, buluh muntat, buluh lalang, buluh aur pantang enggau buluh engkalat.

Nama buluh betong nadai disebut diak?

NI buluh ti ngeluar ka tubu manis?

Sori, enda meda buluh bala udah disebut. Bulu bala tu dikena ngaga tungkat lemamabang, amat ke enda?

Reply

js
Apr 18, 2013 @ 21:36:50

Your comment is awaiting moderation.

Buluh ni ka selalu diambi ka ruas kena mansuh?

Buluh betong selalu diambi kena ngaga bubu, engsenga ngau rumbang.

Reply

js
Apr 18, 2013 @ 21:38:23

Your comment is awaiting moderation.

Buluh ni ti slalu diambi kena ngaga kalingkang tauka keresang piring?

http://rintai62.wordpress.com/2011/01/28/buluh-bala/

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s