Bida ngiling tikai ari ngiling bidai

Ngiling Bidai tauka Ngiling Tikai?

Ulah kitai Iban ke ngumbai jaku enggau pengawa dua iti tu sebaka nya salah lalu pengawa kitai ngelamatu nya tau nyarut ke adat enggau main asal bansa diri empu

NGILING TIKAI: Enti iya tikai digiling kitai nutup gawai, nya alai nama pengerami kitai iya nya Ngiling Tikai lalu ukai nya Ngiling Bidai. Pengerami Ngiling Tikai tu sebengkah ari pengerami ke bisi diatur Komiti Pemansang enggau Pengelikun Genturung Pendiau (JKKK) Rumah Latit di Sungai Engkabang, Roban, apin lama tu tadi.

KUCHING: Pengawa Ngil­ing Bidai enggau Ngiling Tikai dua macham pengawa nutup hari besai gawai dayak ke enda sebaka. Pengawa Ngiling Tikai mayuh dikena kelebih agi ba gawai mit baka kitai ti baru udah abis ngintu Hari Gawai Dayak, laban ba gawai mit baka tu kitai enda ngerem­baika bidai laban kenu ku jaku nadai tuju kitai nganchau bidai ba ruai.

Nya alai Ngiling Tikai nutup gawai mit baka Gawai Dayak mayuh ngena tikai ke digaga ari tikai rutan, tikai bemban enggau mayuh ma­cham tikai bukai.

Bidai tu digaga ari tikai rutan dianyam beselat lambar enggau kulit tekalung/ri­bis/temeran. Temeran tu dibelah nyadi lambar bidai ke dianyam beselat enggau rutan dalam gaya anyam tunggal (kulit tekalung tu diulih ari pun kayu ke ngena nama ke sebaka, iya nya Kayu Tekalung).

Bisi orang nyebut nya Idas lalu bisi mega orang nyebut nya tikai Sana.

Penulung Pemesai Pen­gawa Pansik Rama ari Opis Kunsil Adat Asal (Majlis Adat Istiadat) Sarawak, Jim­bun Tawai madahka mayuh atur pengawa mit-mit udah tembu pengerami Hari Gawai Dayak kemaya hari tu selalu dikaitka orang mayuh enggau pengawa Ngiling Bidai tauka Ngiling Tikai.

“Kemaya hari tu laban kitai bansa Dayak nyau pandai agi ngaga reti jaku ke mai mayuh reti ‘perluasan makna’ ku sida iya. Nyadi ti dikumbai kitai mayuh reti nya sebaka tang ke bendar iya Nigiling Bidai enggau Ngiling Tikai mai reti ke enda sebaka.

“Enti nuan bisi bidai, ke digiling nuan, lalu iya sigi amat bidai ke digiling. Lalu maya pansut ba surat berita lagi dipandang sigi amai bidai nadai salah kitai nyebut Ngil­ing Bidai. Tang enti baka ke mayuh udah dikeluar ba surat berita madahka pengawa Ngiling Bidai, tang ba gambar peda aku gambar tikai Bem­ban ke digiling. Nyadi nya ku aku enda betul. Iya ke bansa

nya, nyarut ke adat, nyarut ke main asal kitai empu. Tang kitai empu ke ngaga iya bansa nya,” ku iya madah ngagai Berita Iban.

Iya ke Bidai nya dulu kelia dikumbai orang alai engkah padi lebuh udah ngetau, en­dur orang nugung ke padi.

Lebuh orang begawai be­sai, orang semina ngerem­baika bidai enti sema gawai besai baka Gawai Kenyalang, Gawai Kelingkang, Gawai Batu ti alai orang mesti nirika pandung.

Pandung tu baka ‘alter’ ke ditimang orang. Kebuah iya enda tau enda ngena bidai laban lambar bidai nya kasar bisi endur nanchang empat iti tali kena nyadika rangka endur orang ngaga pandung.

“Nya alai iya enda tau enda ngena atur baka nya. Enti ngena tikai enggai nyadi ngaga rangka nya. Iya mega begunaka rutan empat iti ke digaga orang segi empat kurang lebih dua kaki square, lalu iya ditanchang ngagai lambar bidai, lalu tanchang ngagai sadau tauka ngagai pemanggai ba atas din,” ku iya.

Udah nya tadi, iya lalu dibungkur ngena lantai pelanka. Lantai pelangka nya endur orang ngaga pand­ung. Ari luar lantai pelanka nya baru orang ngurung nya ngena pua kumbu

SOURCE: http://www.mysarawak.org/2010/06/28/ngiling-bidai-tauka-ngiling-tikai.html

Enti tikai nya digiling reti iya Ngiling Tikai, lalu enti bidai ke digiling ba pengerami nya nya baru dikumbai Ngiling Bidai.
“Utai ke dikumbai ngiling bidai enggau ngiling tikai tu dua iti pengawa ti enda sebaka.
“Ngiling Bidai tu dirami dikena nutup gawai besai baka Gawai Kelingkang, Gawai Kenyalang enggau Gawai besai ke bukai, Gawai diintu dua ngagai tiga malam lalu pengawa mengap mega bisi diatur, ba ujung Gawai nya dia bidai nya deka digiling.

“Ngiling Tikai tu diatur ba pengerami gawai ti mit baka Gawai Dayak, maya nya tikai ke digaga ari bemban enggau rutan sereta ke bukai dianchau, lalu tikai nya deka digiling nyadika tanda nutup pengerami lalu dikumbai Ngiling Tikai,” ku iya.
Iya madahka bidai tauka idas nya dikena orang kelia mandung padi kena nyimpan padi sebedau disimpan dalam tibang, laban kelia nadai pelastik.
Nyadi maya Gawai dikumbai orang nganchau bidai laban iya besai ngambika lebuh dientum orang ke nimang pengap bidai nya enda pesuk laban rumah orang kelia begelegarka buluh, ku iya.
Nya alai orang ke ngatur pengerami Ngiling Bidai nya patut ngenukuka ke digiling nya endang bidai, lalu pia mega enti tikai ke deka digiling dikena nutup Gawai, nya tau dikumbai Ngiling Tikai, ngambika adat enggau main asal kitai Iban enda bebalut.

Read more: http://www.theborneopost.com/2014/06/29/ngiling-tikai-enggau-ngiling-bidai/#ixzz3Gk51LLgP

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s