Miring ngau ngelumbong

 

on May 7, 2009 at 2:38 pm | Reply biring sempidan

GNMawar-Adat pasal ngelumbong,

Adat pasal tu diambi ku ari 3 iku urang tuai ti nemu psal adat tu di menua kami (Suah megai pengawa maya org bisi gawa).Ulih ku ari ke udah ‘interview’ sida. Utai ti ditusi ku ditu asil rumusan ari sida lalu ia mega ukai secara formal.Ti nyema enda tentu ngena arap ke minta ampun ari semua bala, penemu agi pandak mayuh utai ti enda nyengala.

Ngelumbong tu disebut kami ditu ngena jaku ‘lumbong’ ke batang agi tang jangka ku nadai nya mayuh bida laban sama ga reti ia.Pengawa tu dipenyadi ka orang ti nanam ulit sebedau tu.Urang ti nanam ulit mesti urang ti tuai bulu laban ti orang nanam ulit nya biak takut ke ia alah ayu.Nyadi pengawa tu nyadi lebuh urang nanam ulit tu tadi muai tanda ngulit baka tambai, pinggai enggau piring ke ai. Ia mega disebut kitai ‘ngerak ulit’. Tang sebedau ulit tu direrak urang ti nyadi kaban belayan ia ke mati tadi mesti begiga dulu, lalu kami ditu ngumbai pengawa nya ‘nikup’. Biasa ia sehari sebedau ulit diketas. Nurun lemai pulai pagi.

Udah ulit tu dibuai urang ke ngempu penusah lalu madah ke bala kemaya hari ngelumbung. Ti baka kelia, urang tau nganti pengawa ngelumbung ulih manggai sampai ke 3 taun.Tang diatu ketebal agi ulit diketas maya pagi lalu ngelumbong ia malam nya mega.Chukup timpuh ia, piring lumbong lalu digaga. Perengka kitai Iban baka pua kumbu, selampit, kain, gambar pemati etb. lalu diredai.Reti redai tu ukai nyembi ba baruh mata panas tang bai urang pansut ke ruai lalu diredai(engkah) ba tisi tingkap, dinding tauka pintu.

Datai ke hari kira silau manuk (antara jam 5-7 lemai) Urang ke diambi nyabak lalu belabuh ke pengawa nyabak. Nyadi pengawa nyabak tu ianya endang sigi ngenang ke urang ti udah nadai tu tadi lalu tukang sabak mesti indu.Kebuah tukang sabak tu indu laban asal usul ia endang semina diajar ‘petara’ ngagai sida ke indu aja.Lebih ari nya enda ga aku nemu madah ke bala, minta ampun.Urang tu tadi nyabak ngenang urang ti udah parai belabuh ari lemai nya nyentuk ka pagi siti. Ti diperati ka amat bisi sinu asai ati ngenang leka sabak anang gi ti urang nya sigi landik nyabak.Sayau…nyentuk ke ditemu aku nadai urang dah nulis leka sabak tu nyadi siti bup.

Datai ke dini hari (kira-kira jam 4 tauka 5 pagi) urang lalu belabuh nyendia ke diri ka pengawa “Angku balu”. Reti iya maya nya meh urang beambu bala, diri menyadi enggau kaban belayan ngagai bala urang ti balu kelebih agi urang ti beempu pemati. Bisi sekeda ngena jalai beberi ke ai tuak ngagai pangan diri. Lalu bisi ga ngena mata duit. Ai tuak ukai sengapa beri tang ia dibagi ngagai dua raban. Ia disebut bala ditu ‘tuak mensia’ ngau ‘tuak antu’. Pengari ari tuak mensia ianya tunga ke bala ti agi idup(balu) lalu tuak antu ngarika bala urang ti udah nadai. Tang enti bala ke nadai ukai balu pengawa tu tau enda ibuh dikereja.Balu- urang ti udah parai laki/bini.

Udah urang ke nyabak badu kira teberak tawas, urang lalu beguai nganjung keresa ti ditunga urang nyabak enggau bala mayuh ti bisi diengkah ba ruai tu ngagai pendam. Reti ia keresa tu tadi barang utai ti ulih disimpan ba pendam urang ke udah nadai awak ke ia enda merinsa diau ba sebayan.Nyadi urang nganjung keresa tu enggau naka pengelengkas lalu enda tau lama ba pendam takut ke ninga munyi burung ti enda manah.Ti ulih bala ke pendam lalu nikal baru sebedau hari tampak bendar.

Datai ba rumah panjai sida tau berami sepeneka ati awak ke enda ingat ke urang ti udah nadai tu tadi. Siti penyelai ia tuai…utai ke dibantai urang mesti abis maya nya lalu enda tau dibai ke bukai laban kenu ko bala ditu pemakai mensia enda tau begulai enggau pemakai antu.Ni pengamat ia enda ga aku nemu tang naka ke ulih ingat aku amat nadai kala ga urang ditu ‘naban’ pemakai nya pulai ke menua diri empu.

Naka tu meh utai ditemu ku tuai GNMawar.Nyadi adat tu ditusi ke aku nitih ke pelilih menua Song ba bagi Kapit. Nyadi ti bisi salah tau ga bala ke nemu agi ngemetul sereta meri manah agi nadai salah kitai bekunsi penemu tambah mega asil tu ukai ari ‘research’ lalu pengamat ia tau ngasuh kitai betanya(dipersoalkan).Sumber: TR.Bilun, Lemambang Nyambong enggau Ini Ungkuk hehe…. sumber tak rasmi. Tq.

biring sempidan,
TQ ka pemanah penerang nuan pasal ngelumbong ba kita di Song, Kapit. Amat ga reti enggau rengat pengawa enda sabaka ari batang ai siti-siti, tang tuju iya dikena masa orang ti udah ninggal ka kitai nya sabaka magang. Orang ke agi idup mega enda tau enda diaduka pendiau sida enggai ka sabau ngapa ditinggal ka orang ti udah nadai.

Enti bisi detail agi, nuan tau nyambong research nuan, betanya ngagai sida ke tuai, awak ka diterbitka ditu. Aku mega tau nambah ka penerang nya ngagai artikel aku ditu… ba pasal ngintu pemati… awak ka kitai iban ari batang ai bukai tau nemu chara iban batang ai bukai ngintu enggau masa orang ti udah nadai ngagai batang mandai rawan. TQ sakali agi. Manah amat contribution nuan.

  1. on April 28, 2009 at 11:02 am | Reply Biring Sempidan

    Terima kasih ka tengkebang nuan gnmawar.Mereti amat2 utai dipadah ka nuan. Nadai nya salah ti kitai miring ke org, ngelamatu tu agi confuse ku psal pgwa miring laban bisi ga org nybut ti udah ‘smbiang’ nda tau miring.Psal pgwa ngetas ulit ngau ngelumbong nya pan ku dah faham.Ndai agk utai ka tanya ku buat msa tu ti bisi ila ku nanya baru ga.Arp ka website nuan tu maju srta ngelekai sekayu dunya.tq.

    • Biring Sempidan,
      Enti kaban bukai bisi penemu agi dalam pekara ngelumbong tu, tau mega meri kami penemu ditu, laban adat enda sabaka ba endor siti-siti.

  2. Biring Sempidan,
    Nadai salah orang Iban megai pengarap christain miring ka aki ini sida ke enda masuk pengarap christain kelia. Bansa china ka pengarap christain pan agi mega miring ba pendam aki ini sida leboh maia “Qing-Ming” festival. Nya ka tanda basa kitai ngagai aki-ini kitai empu, laban sida endang penatai asal kitai empu. Semadi meh pengarap christain nadai ngajar kitai bebasa tauka nyembah aki-ini kitai empu laban ba pengarap sida, semina Petara aja tau disembah. Nyadi ba kitai Iban, apai-indai aki-ini kitai nya mega nyadi “Petara” kitai. Nya kabuah kitai Iban diajar bejimat bejako enggau apai-indai diri empu, baka ka bejako ngagai “Petara”.

    Kitai Iban tu ukai turun sida Abraham ka selalu disebut dalam pengarap Christain. Nadai salah kitai masa aki-ini kitai empu baka orang Jews ke bebasa ka aki-ini sida kelia. Lalu miring ka samengat aki-ini kitai kelia nya satu-satu iya chara ke diajar sida kelia ngagai kitai. Sida nadai nemu pasal Jesus Christ tauka Nabi bukai baka kitai kemaia hari tu. Taja pan kitai udah masuk pengarap Christain, kitai mesti ngingat ka petara aki-ini kitai empu, laban orang nya ke udu ngiring kitai ngagai dunya tu kelia…. ukai sida Nabi Abraham, ukai sida Moses.

    Ba menoa kami, ngelumbong tu pengawa ngadu ka orang mati ti enda ditumbak ka dalam tanah. Sida iya digaga ka rumah endor ngengkah ka bangkai ari atas tanah – sabaka pengawa enggau orang ka nganjong antu ka pendam. Udah nya baru orang nimpoh ka ulit. Kadang-kadang ngelumbong tu dikerja orang nyau lama orang ke mati nya udah mati … baka orang ka mati jauh ari menoa. Nya alai kadang-kadang ulit nyau nadai agi, tauka udah diketas orang dulu ari pengawa ngelumbong.

  3. on April 22, 2009 at 11:28 am | Reply Biring Sempidan

    Au pia.. kati,

    Tau k enda ora megai pngarap kristian miring?

    Ni patut dulu, ngtas ulit or ngelumbung tauka dua-duanya tau peneka dulu dudi nitih ke penyamai ati?

  4. Biring Sempidan,
    1. Miring tu “offering” ba jako Ribai. Dalam pengarap christain pan bisi mega pengawa Miring kelia. Udah nya Nabi Isa nyadi ka piring kitai mensia, lalu dikena nebus semua dosa anak mensia. Nya kabuah orang Christain enda agi miring tang naka meri sadekah aja.

    2. Ngelumbong tu tampong pengawa orang ngintu pemati baka pengawa Gawai Antu. Ulit tu, abis lama iya, 3 bulan aja orang ngulit. Tang pengawa ngelumbong enggau Gawai Antu tu tau di kerja orang lepas 3 bulan, nitih ka pemisi orang ka bempu pengawa.

  5. on April 18, 2009 at 11:17 pm | Reply Biring Sempidan

    Mnh laman web nuan tu unggal. Berasai temegah ati ku surfer utai dlm tu lbn baru nemu laman web nuan 2 3 hari tu. Terus ka penalam penemu nuan unggal. Aku sigi nyukung 101%.Urg ke ngambi ksmpatan ba laman web nuan tu unggal ang kiruh ke nya lbn sigi dadak urg bknya. Ba awk tu ku ka mantai 2 iti pekara ti ulih ‘direnung’ kitai.
    1)Nama kebuah kitai Iban lembau amt ka miring ti udah nydi kristian? Aku tu kristian ari kelia tang agk ga urg ‘minta tulung’ aku miring. Indah bala menteri nemuai gai rh panjai kitai tau ga miring.pikir meh.
    2)Pasal adat pemati, mayuh ndar urg kemaya haritu dulu deka ngelumbong ari ngetas ulit.Bkni ka berami enti ulit empai diketas? Alsn sida laban ka nitih ke urg ke kerja. puas ku bechakah ngau urg psal utai tu. Nasit meh aku nyadi peturun ke ulih ngetan ke ngetas ulit dulu baru tau ngelumbong.

    Bantai ka penemu nuan psal dua iti perkara tu unggal (enti ulih) awk ke org rebak baru enda tesat.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s