Reasons for Retaining the Name Dayak

on May 25, 2009 at 11:18 am | Reply Padang anak Luna

Tabi Unggal GNMawar,

Selamat Gawai … 2009. Minta petara ngemata lalu ngiring nuan dalam semua pengawa ti dikereja nuan enggau kita sebilik. Pulai ke menua Gawai tu kini ?

Minta penemu nuan pasal statement YB Joseph Entulu apin lama ke udah ti deka ningkilka leka jaku Dayak kena nyebut/ ngelala bansa asal di Sarawak kelimpah ari bansa Melayu (Muslim).

Kati bisi enda pemanah enti dibuai leka jaku Dayak?
Enti leka jaku Dayak agi dikena bisi enda iya nasalka bansa kitai ari segi pemansang runding/ peluang ekonomi etb? Does the word ‘Dayak” connote failure, inferiority, second rate etc..? Bisi enda leka jaku Dayak tu mai implication ngagai 1 Malaysia ? Tinggal kitai kini enti kitai agi dikelala ngena nama Dayak tauka Iban?

Siti pekara ti bisi nyadi lalu patut ditemu kitai diatu iya nya, lebuh ngisi form (borang PTK- peresa kami ke Gawa Perintah) dia aku tekenyit laban semina Bumiputera Sarawak aja bisi dia. Menya lain mimit- bisi ruang “keturunan”, bisi ruang endur ngisi/ milih bansa kitai. Bisi Iban pansut dia. Diatu nadai agi, tak diselampur nyadi Bumiputera Sarawak. Nama gaga bala pengari kitai ba sentang tu kini. Aku beselak bendar runding ba utai ti baka tu. Enggai nadai identiti , nya ke bendar.

Kena berandau rambau ke duduk-duduk diruai maya Gawai tu. Ukai politik tu, tang semina kena nekal dilah lebuh bebuti, kena ngaga penggal/ panyun randau kitai ke tuai. Ha…. ha… Limpang mimit nih, tau pelaba aku.

Terima kasih Unggal. Sekali agi, ngajihka nuan & kita sebilik gayu guru gerai nyamai.

Pengajar Padang anak Luna

Padang anak Luna,
Mar amai bejurai ka utai bakatu. Jako “Dayak” nya endang udah dikena bansa orang bukai ngelala bansa asal kitai ke nguan Pulau Borneo tu kenyau ari 12th century menya. Di pulau bukai, baka Sumatra, Taiwan, Java, philippines enggau tanah Malaya, nadai kitai ninga orang nyebut bansa asal orang ba menoa nya bansa “Dayak” amat mega gaya pendiau enggau pakaian dikena nyau deka sabaka magang.

Hypothetically, jako “Dayak” tu endang berasal ari bansa kitai empu, tang kitai enda nemu ni bagi bansa kitai “Dayak” ka bempu jako nya. Sapa bansa kitai “Dayak” (Iban, Kantu, Kayan, Kenyah, Bidayuh, etc) ke dulu betemu enggau bansa orang bukai ari ili (Melayu, Javanese, Sumatrans, Dutch, Portugese, Spanish, etc), orang nya meh ngepun ka penemu kitai tu Bansa “Dayak”. Utai bansa tu tentu bisi orang ngepun.

Kitai “Dayak” tu, endang sigi “nyelai” agi pendiau ari bansa bukai. Ba mata bansa bukai, bansa kitai kelia endang kurang agi maju ari bansa bukai ke datai ngagai pulau borneo tu. Laban bansa orang enda nemu tusun pendiau bansa kitai, nya alai bansa orang enda tentu mareti ka gaya pendiau kitai. Sida iya enda nemu kitai tu bisi atur enggau adat dikena kita ngempong anembiak redak (social structure). Pendiau kitai mega jauh bapechah belah, pindah kin-kitu, sabelah ulu sungai enda begempuru ba siti endor baka bansa Melayu, china enggau bansa Ribai. Sida mega enda nemu pasal pengarap bansa kitai lalu ngumbai kitai tu nadai nyembah Petara baka sida. Nya alai maioh bendar endor bansa orang tau ngumbai bansa kitai “Dayak” tu mundur (backward or uncivilised). Lalu enti di-sebut ka nama “Dayak”, psychologically ba runding orang bukai, jako “Dayak” tu bisi negative conotation amai ga jako “Dayak” tu nyadi “pride” bansa kitai, laban kitai bansa tu sigi nyelai (unique) ari bansa orang bukai. Enti semua bansa dalam dunya tu “steoreotype” magang, nadai ga “diversity” dalam dunya tu – variety is a spice of life.

Bansa kitai Iban tu endang dikumbai orang “egalitarian society”, laban kitai empu milih orang ke dititihka nyadi ka tuai kitai. Nya kabuah kitai nadai sistem Raja tauka Sultan. Bansa kitai menya endang enda ngelala perintah bukai megai bansa kitai empu, laban kitai endang bisi atur, adat enggau pengarap kadiri empu. Bansa kitai “bebas” mindah ari menoa siti ngagai menoa siti ngalah ka bansa bukai ngiga endor ngerembai ka pendiau bansa diri. Maioh bansa orang punas alah laban bansa kitai. Semua menoa ke diempu kitai kemaiaharitu endang udah dibayar enggau titik darah aki ini kitai kelia. Orang bukai nadai “hak” ngambi utai nya ari kitai, lebih-lebih agi mayar chukai ngagai perintah ka megai kitai diatu laban tanah lama kitai endang utai ulih bansa kitai empu, ukai ulih nginjau tauka minta ari sebarang perintah ke udah dipansa bansa kitai.

Ba penemu aku, nadai jako “inferiority” ba humankind. Semua kitai digaga “equal” by Petara.

So we must be “Proud” of being a Dayak. Enggai nyadi YB JE deka nyadi pengari tauka tuai bansa diri enti iya empu enda “proud” ka bansa diri. Inferiority complex nya mesti dikikis ari runding kitai. Nya kabuah kitai mesti ngemansang ka jako, culture enggau history bansa diri awak ka tau negi, niri ka samengat anembiak-redak ngagai bansa diri empu lalu ngikis penemu tauka runding “inferiority complex” bansa kitai. Enti jako kitai tu lenyau, reti nya, penemu lama, history, culture kitai mega lenyau baka sida Inca enggau Mayans di Amerika Selatan. Kitai lalu niru culture enggau ugama bansa orang. Bansa kitai lalu enda dikelala agi. Titik darah, burong manah enggau mimpi manah orang ke tuai dulu mai kitai nguan menoa tu nyau nadai reti (meaning) enggau rega (valua) agi ba bansa kitai.

Nya alai aku arap bendar ka sida YB JE kitai babendar niri ka jako, culture & history kitai bansa “Dayak” awak ka kitai bediri sama bela enggau bansa bukai. You must be “proud” of being a “DAYAK”.

Enti ngisi form, jako “keturunan” patut dibuai, semina ba dalam Identity Card kitai aja, enggai ka kitai dikumbai prejudis. Enti deka implement 1Malaysia concept, “bangsa” atau “keturunan” patut diketepikan sama sekali dalam semua borang-borang kerajaan.

Thank GOD I’m an Iban.

GNMawar

biring sempidan,
Jako “Dayak” tu jako ti unique sereta manah disebut dikena ngelala bansa kitai nya bansa asal nguan menoa Borneo tu. Jako “Dayak” nya besai implikasi iya. Baka orang ke nyebut “British Nation” tauka “Indian Nation”, kitai tau mega nyebut menoa Pulau Borneo tu “Dayak Nation”. Nya alai tuju semua anak “Dayak” dalam Pulau Borneo tu, enti deka ka bansa diri maju baka bansa bukai, mesti sarakup enggau pangan diri dalam samoa pengawa, awak ka bansa “Dayak” tau nyadi kering begulai sajalai enggau pangan diri ngemansang ka bansa diri. Enti kitai enda angkun ka bansa diri, lalu angkun ka bansa orang bukai, kitai selalu deka tinggal dalam samoa jalai pengidup ari bansa bukai. Bansa kitai deka bapechah lalu nyadi bansa asal ti lembut dalam samoa bidang. Nya kabuah kitai mesti berani sereta mutus (baka sida Keling Panggau kelia) dalam ati kitai, ngumbai bansa kitai tu bansa “Dayak”.

Idup Dayak! Maju Dayak,
Jelai nama bansa Dayak,
Awak ka kitai nyadi bansa ti tampak,
Chelap lindap diau baroh lindong Bintang Banyak.

http://gnmawar.wordpress.com/#comment-42933

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s