Reti anak mit ada ngau karong

on June 27, 2009 at 6:10 pm | Reply TELAJAN

Tabi apai…aku ka nyak nuan , kala nuan ninga urang ada mai
karung?. nama tuju karung ia nyak?. ngau kati nasib siko
urang ke mai karung nyak.. kati ba pemu nuan apai manah
ke anti ada mai karung?.

Anti apai nemu..tau pada ke dia, aku ka nemu tuju ia…
enka kala niga jerita ari urang tuai.

TQ..

on June 28, 2009 at 10:01 am | Reply gnmawar

Telajan,
Keno ko dinga aku, ba penemu kitai Iban, anak ada dalam karong nya manah laban karong nya kebal asal kitai mensia. Reti nya anak nya deka kebal ari penyakit tauka utai bukai ti tau nganu nyawa iya dalam dunya tu. Orang nya mega deka bisi nasib sereta gayu idup.

  1.  
  2. Tabi Lembie,

    Enti enda salah ingat aku, urang ka ada mai karong leboh sida iya ka baru ada, dia urang ka nyambut iya ada ka nemu reti guna karong nya lalu nyungap ka karong nya mimit ngena tunjuk indu ngagai perabong nyawa(jako melayu iya nya-lelangit) atas dilah anak mit nya tadi lalu laloh karong ia disimpan dalam tachu serta ditumbak ka ba pun buah sampai anak mit nya nyau besai. Dia apai-indai anak mit nya tadi deka berati ka ulah anak mit nya nyentuk ka iya besai serta kurang pemangah.Dia apai anak mit nya lalu ngasoh iya ngiga karong iya empu serta di piring.Tembu pengawa miring tadi anak mit nya lalu diasoh mandi ba panchor wong ka nadai diuan mensia ari ulu lalu besampi. Karong tu enda tau enda dilalai ka iya empu serta ditumbak dalam tanah enggai ka urang nemu.Laban ko sida aki menya karong tu ka gagah tubuh diri.

    Ngagai tuai ka empu bilik, enti nemu tau mega madah ka kami nembiak. terima kasih.

  3. Uchu Untai

    Tabi basa unggal.

    Kati anti urang ke ada mai karong tu karong ia enda di intu ngau adat?. Laban aku empu ada mai karong tang enda di intu tang di buai sida niang ini aku, laban urang ke ada mai karong tu mangah serta kempang mutus ati. Tang utai ke bangat nyelai nyadi agai aku suba, sebedau aku ada aku sigi dah di ambi urang mimpi..di padah ke urang agai indai aku
    ia ngada ke anak laki. Nyak meh, ada aku mai karong…tang enda di intu ngau timang. Bisi ko urang madah karong ubat bai ari ada ke dinding bulu sida ia. awak ke enda alah bulu
    ngau penguji.

    Agai ke empu ruai tu..bisi ke nn penemu agai urang ke ada mai karong tu?. TQ…

  4. Tabi tuai megai menalan,
    Aku bisi ngembuan bup Tusun Pendiau ka di tulis niang aya nuan enggau bup Rukun sabong,serta bup lama tulis jari ka agi di kembuan aku ditu ka di turun aki aku ianya walter samuel untai serta gambar lama ianya gambar niang YB Stephen Kalong Ningkan begulai enggau aya nuan serta bala bukai ka enda di kelala aku ari Entanak,Melaban,Tembawai Lubok, Lempaong,etc, maya ka nebas pendam Pudu. Ila aku mantaika iya ba Facebook. Aku mega berasai lantang ati macha jako nuan nitih ka rintai(spelling) dewan bahasa dan pustaka- enti enda salah aku, di salin ngagai jako iban ianya: Gerempong jako enggau tiban penemu.Tuai, kala nuan ninga sampi urang ka ada bisi karong? Enti enda salah ingat ka aku munyi tu iya,

    ” Oo.. ni nuan karong kerubong kulit,
    ni nuan kelambi rapit betambit,
    ngerupak meh nuan muka diri,
    merurut meh nuan ari isi,
    balut meh aku enggau penemu chukup adu,
    genap ka meh aku enggau seput lurus laju,
    tempa meh aku enggau bedilang besi tapang,
    kamboh meh aku baka baju kirai seludang.”

    Nganti aku ngingat ka baru tusun pendiau nya baru aku mantai ka nuan aya. Keep up the good works.
    “Nya alai nuan tu aya,
    baka tikai pachar ka belinsar lambar bekuang,
    baka tikai rutan ke beranyam map lubang.
    baka tikai lingkok meh nuan tu aya,
    neladan lingkok nerajan.”

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s