Discussion on Iban religion vs Christianity

on August 22, 2008 at 2:55 pm | Reply Ichit Ijau Berani

Uncle Gregory,

Manah saut nuan nya. Aku bisi mega macha Bup Kudus ba pemungkal, dia iya bisi madah keterubah petara ngaga dunya tu, kitai mensia, utai tumbuh, jelu enggau mayuh utai bukai. Nyau munyi ke beserekang pasal pengarap ga aku tu enggau nuan. Tang aku mega endang sigi rindu macha bup kudus. Aku mega bisi nemu ari pansik orang ke endang nemu pasal pengarap. Bansa kitai Dayak ari kelia-kelia endang sigi tusah nerima pengarap kristian, laban sida tusah muai penti pemali, ari segi adat asal, beburung enggau miring. Baka babi ukai semina diempa iya mega dikena nyadi ke genselan. Enti nitih ke pengarap kristian, kitai endang enda ulih aum juak. Nitih ke pansik orang ti nemu pasal pengarap mega, bisi petara kitai Iban ti nurun ke bansa kitai iya Sengalang Burung ti nyadi tuai ti bepenemu ba kitai Iban dulu kelia. Enti agi kelia nyangka iya tu meh siku nabi ba kitai Iban. Ba leka sampi kitai Iban, kitai mega selalu besebut ka sa: Saragindah, Saragindi, Saragindit, Salempandai ke ngepuk tanah perai nyadi kerigai anak mensia. Ditu kitai manding ke bakani petara dalam bup kudus keterubah ngaga Adam seduai Awa baka Selempandai petara kitai Iban ti ngepuk tanah nya. Taja sida tu pengaga tang sida endang enda tentu disebut kitai Iban. Enti baka bumai kitai Iban minta ari Sempulang Gana ukai ari Saragindah ti ngaga tanah. Kitai Iban berat agi besebut ke sida Keling, Sengalang Burong, Puntang Raga, Sempulang Gana enggau sida ke bukai.

Ukai setegal aku madah ke petara kitai Iban tu nadai bisi ba aki ini kitai kelia. Enti enda pia nadai aki ini kitai kelia besebut ke leka sampi ti munyi tu, ni kita petara aki petara ini, petara apai petara indai, kebuah bakanya laban sida enda nemu nama ti disembah aki ini,apai indai sida. Ba senentang tu aku mega manding ka bakani bup kudus kelia ti ngangau ke petara Abraham, petara Isak enggau Jacob.

Kitai mega selalu besebut ke petara kitai Keling. Enti ba pengarap Hindu iya disebut Kali. Kali tu ngajar orang nyempit, butang sereta beperang. Iya beguna ke bungai, buah enggau darah jelu ke piring iya ba pengarap Hindu.

Kitai manding ke enggau Jesus Kristus ti mati diregang kelia, kitai meda pemerinsa pemati iya. Iya dikeduan enggau dipenyati enggau naka pemalat. Anang ka iya ka malas, besampi agi bisi iya ke orang ti merinsa ke iya. Ari nya kitai meda bakani petara kitai kelia enggau petara orang ti megai pengarap kristian. Ba kristian iya nyebut penyadi keterubah dunya tu. Ba pengarap kitai Iban mega sida Saragindit, Saragindah, Saragindi enggau Salempandai ti pengaga semua utai. Minta ampun amai aku mansut ke penemu tu ngagai nuan Uncle, lalu minta ampun mega ngagai bala menyadi bukai. Tu semina penemu aku. Enti bisi saut padah ke meh.

on August 22, 2008 at 3:17 pm | Reply Ichit Ijau Berani

Uncle Gregory,

Tu mega aku ka mansut ke penemu, ukai mega aku tu nyakal penemu nuan. Taja pan aku tu rebak baru, tang aku mega bisi nemu ba sejarah kitai. Benong kitai Iban ke bekayau kelia, mayuh anembiak mit ke mati apai indai di iru Sida kaban gerija. Ari nya meh sida belajar. Orang kristian nya meh ti muka klinik, court ngambi ke kitai bisi undang-undang enti leboh belaya, nadai bekayau pangan diri. Sida ngajar bansa kitai ngambi ka kitai nemu pemansang enggau penemu baru. Ari sekula nya kitai ulih ngemansang ke bansa diri. Nya pemeri orang kristian ngagai kitai kelia. Begantung ngagai kitai empu bakani ngena iya.

on August 25, 2008 at 2:25 pm | Reply chgtmwr

Bala pemacha semua,

Ba penemu aku “Petara tu nadai Pengarap-God has no religion”.Religion is an aspect of life that is interpreted and managed by the mortal being.Religion has boundaries; it is exclusive, it punishes, it judges and ultimately has the potential to separate us from the consciousness and connects everything within the universe.In reality, there is no religion – there is only one universal soul that we are all part of.
Religion offers fellowship, comfort, structure and many other qualities that are important and helpful in daily living. However, each specific religion is interpreted and perceived as ‘the only way’ by its followers, which is certainly a false view to hold, and can actually be harmful.
Religion also contains an aspect of exclusivity; it fosters an ‘us versus them’ philosophy, which separates and disconnects human beings from the underlying oneness of the universe.Whether you are part of a structured religion or not, always keep in mind that there are many paths that lead to God, enlightenment and freedom.Be sure not to follow a doctrine or dogma so rigidly that you forget the vital aspects of humanity.No matter what group, church, synagogue, mosque or other entity that you are align yourself to worship with, the fact remains that we are all connected to each other.

God has no religion-Ganddhi in Eastern wisdom for your soul.

on August 25, 2008 at 2:31 pm | Reply uchu Jupong

Tabi basa ke semua kita…

ba penemu aku bakatu, nya kebuah urang selalu nanya nama agama? nama bansa? nda pia..laban kitai diatu udah maioh serta ada alu masuk kristian nda ngira nama bansa kitai.nya alai ko aku, taja pan kitai sigi udah masuk kristian tang kitai sigi nda tau muai adat lama pia mega ti kitai sigi arap ke adat lama kitai nda tau nda beringat-ingat ke agama kitai.nya tadi dlm erti kata lain dalam semua pengarap kitai , kitai nda tau kelalu ‘fanatik’,kitai sigi bisi petara,sigi bisi adat,nda ngira petara aki ini tauka Allah Taala ti ngaga mensia semua nya ngajar kitai nuju jalai pemanah, nyau tepulai ngagai kitai mai diri serta ‘tafsir’ reti Petara.ti kitai kelalu fanatik kitai nda ulih nerima penemu,teguran serta ajar ari orang nda pia?.reti lain ianya ‘anang kelalu’ dalam semua pekara meh..aku tu meri penemu aja, diri tu mpu pan agi perlu nerima penemu serta tunjuk ajar ari kita.terima kasih.

on August 26, 2008 at 10:14 am | Reply gnmawar

IJB/BSTR/UJ/chgtmwr,
Nya kabuah, taja pan kitai megai pengarap bukai, tang kitai enda tau enda ingat ka Piring. Laban asal penatai bansa kitai enda sabaka enggau asal bansa bukai. Pendiau kitai mega sigi lain ari pendiau bansa bukai, lalu lain meh jalai Petara ngadu ka pengidup kitai. Tuju pendiau kitai endang nuju jalai ka diajar Petara magang laban kitai enggai ngelaban jako Petara. Atur enggau jako Petara enda ulih dilaban kitai, baik kitai nya megai pengarap baru tauka lama.

Nya alai enti kitai bisi Burong enda manah, iya enda tau enda diaduka enggau jalai pengarap kitai Iban …. enggai nyadi ngena jalai sembiang.

on August 26, 2008 at 11:52 am | Reply Ichit Ijau Berani

Tabi basa ngagai bala pemacha semua.

Terima kasih ke semua penemu ti dipansut ke bala kita. Munyi ke di padah ke aku, kitai dayak endang sigi tusah nerima pengarap kristian, ari kelia-kelia. Laban ke enggai muai penti pemali enggau adat asal. Ukai aku ngumbai adat asal enda manah. Enti enda pia enda aku rindu nulis dalam jaku kitai lalu ngemeran ke pengawa asal kitai. Endang amai mega bansa kitai dikelala ari jaku, culture kitai tang kitai merati ke sekali ka semua adat asal kitai nya bisi mai penguntong dalam pengidup kitai. Munyi ko disebut St. Paul dalam bup kudus, Pansik semua utai: simpan semua utai ti badas, lalu seliah ke semua utai ti jai. Semua utai endang tau dikereja enggau peneka ati tang enda semua tau nguntong. Kitai tau peneka ati ngereja sebarang utai tang enda semua iya tau ngemansang ke kitai. Taja pan aku nyebut utai ke dipadah ke bup kudus, ukai setegal aku kelalu fanatik dalam pengarap kristian. Orang kristian jangka aku endang sigi bisi ngemeran ke bup kudus, tang berapa iku ke rindu macha enggau nyagam leka jaku ke dipansut ke didalam nya. Dalam bup kudus mega madah keterubah mensia nyadi endang iya nyembah petara. Perati ke pendiau Adam seduai Awa sebedau seduai betemu enggau Sitan ti ngarong diri nyadi Ular. Ari nya meh mensia berengkah bedosa. Ketegal nya mega seduai diburu petara ari Kebun di Eden. Berengkah ari nya mensia lalu ngiga utai bukai disembah ke ganti petara. Sida lalu besembah ke antu, jelu enggau mayuh utai bukai. Peragam ke dalam ati kitai ba senentang tu ni ti patut disembah kitai. Baka St Paul empu bakani ke iya enggai nerima pengarap kristian kelia, datai ke iya munuh orang ti enda bedosa. Tang ba rantau jalai iya lalu ninga nyawa petara datai ba iya, lalu leka mata iya baka ke tampal enggau tisik ikan. Perati ke meh ulih kitai semua. Tu semina peragam ati aku, bisi penemu ke bukai pansut ke meh.

on August 26, 2008 at 1:49 pm | Reply gnmawar

IJB,
Nya kabuah kitai Iban kelia bejimat bendar mansut ka jako enggau ulah diri, laban takut ka Petara. Kitai Iban mega enggai ngayah ka utai idup bukai tauka masau utai ngapa (eg. nanjar utai tumboh, ngameli ka utai tupi, masau utai diempa) enggai ka tulah, laban dalam pengarap kitai, semua utai nya digaga Petara magang. Dalam christain pan kurang lebih baka tu mega tuju ajar Petara. Reti nya, kitai mesti niti jalai ti betul … enti enda betul, tesat jalai meh kitai.

on August 26, 2008 at 11:53 pm | Reply bedilang besi

Enggi aku aku tu enda panjai jaku laban topik tu lungat amat dikerandauka. Taja pia iya pulai ngagai penemu siku-siku. Pengarap aku diatu endang kristian kenyau ari ke ada lalu aki ini, apai indai aku endang kristian. Taja pia, diatu enti diasuh orang miring, miring ga aku. Tang ba aku miring tu (ba aku) nyadika ADAT sereta DAYA IDUP kitai Iban. Ukai pengarap agi. Lalu enti diasuh orang bebiau indah, leka biau enggi aku endang bebasaka sida ke tuai dulu kelia lalu diambi pengarap Kristian nya tadi disampi munyi ngena rentak sebut kitai bebiau.
Semua tu kenu ko aku, pulai ngagai diri empu. Enti nyema siku-siku. Tang iya nyadi salah enti pengarap tu dipegulaika. Tu baru enggai nyadi. Pengarap kitai endang siti, lalu pegai mih nya belama iya.

on August 27, 2008 at 9:44 am | Reply Ichit Ijau Berani

Tabi enggau basa sekali agi ngagai semua bala pemacha.

Terima kasih ke penemu enggau jaku ajar ke udah dipansut ke kita. Ba ditu aku enggai mansut ke penemu ke kelalu dalam laban tusah mentality kitai bansa ka nerima. Laban ari mit bansa kitai di ada ke dunya lalu besatup enggau adat. Kelebih agi anembiak ke diau di rumah panjai. Baka penti pemali ke dipansut ke Uncle Gregory nya endang bisi diajar dalam pengarap kristian. Baka enda masau utai ngapa nya endang patut laban utai ti ulih kitai nya endang jereki ke diberi petara. Baka ngemeli ke utai tupi mega enda tau, tang kati ke kitai iban kelia ti besabong ke manok. Enda ke nya merinsa ke binatang. Baka nanjar utai tumbuh. Enti rumah kitai nyau penuh ulih semak enda patut ga kitai enda nebas iya. Baka ba kampung jerung, enti baka ke diatu Kompany kayu balak, ti nyunkur tanah nyau datai ke mai ai pangkalan kitai kelia chiru, diatu nyau keruh baka ai tea campur tusu. Enda ke nya mai penusah ngagai kitai. Bisi mega penti pemali kitai kelia, baka ke disuruh antu enda tau nanam chabi tauka lia. Enti nanam enggai ke kitai buta tauka bisi kena penyakit bukai. Pia mega antu ti ngarong diri nyadi jelu kijang, remaong lalu mega tau ngarong diri nyadi senayau orang ti udah mati sebaka enggau sitan ti ngarong diri nyadi ular ba bup kudus. Lalu ngujung ke kitai ngasi ke antu enda ulih makai utai nya. Mayuh mega adat basa kitai Iban ti manah, baka besaup leboh ngintu pengerami, ngintu pemati, bedurok enti leboh beumai betaun. Bebasa ke apai indai, tu mega bisi dalam sepuluh pesan dalam bup kudus. Ari segi kereja kitai baka ngamboh, betenun enggau beranyam ke perengka ke dikena kitai besari-sari. Tang kati ke kitai Iban kelia ti bepantang tauka bekelinggai ngukir tubuh diri empu. Ari ti ngukir tubuh diri empu manah agi kitai ngukir kain tauka kayu ke guna kitai. Laban tubuh kitai udah tuchi beresi digaga petara enda patut kitai ka ngamah ke enggau bemacham ukir. Taja pan nya identiti kitai. Pia mega kati ke tuai kitai Iban kelia ke diberi antu pengaroh ke ngasoh kitai bebunuh enggau pangan diri. Nyau nyadi ke manok sabong sida iya. Tang kitai merati ke mega leka ajar ke dipansut ke dalam bup kudus ke munyi tu rindu ke diri sama diri baka ke rindu ke diri empu, nya mega bisi dalam sepuluh pesan. Enti sema bala pangan nuan bedosa ngelaban nuan, enti sekali iya minta ampun ngagai nuan, tujuh puluh tujuh kali nuan ngampun iya. Lepas nya agi ga bisi ngelaban nuan, bai dua tauka tiga iku nyadi saksi seduai. Ni nemu sida nya tau meri runding ngagai seduai. Nya sebengkah ari ajar petara ke keran ngasoh kitai bebaik enggau pangan diri. Dalam bup kudus mega kitai mensia digaga petara darjat kitai endang sigi tinggi ari utai tumbuh, utai idup tauka utai ngerayap ba dunya tu. Nadai patut kitai ka nyembah sida baka petara, laban sida digaga petara sebaka enggau kitai digaga iya mega. Tang anang ga kitai sepeneka ati enggau utai tu. Ukai bakanya maksud aku. Peragam ke meh dalam ati kitai empu. Aku enggai nyebut ke dalam agi laban tusah bansa kitai ka nerima. Nya aja meh runding aku.

on August 27, 2008 at 10:24 pm | Reply gnmawar

IJB,
TQ ka penemu enggau runding nuan. Manah amai nuan udah bisi penemu enggau runding ngenalam nya. Ba runding aku, nyabong nya ukai merinsa ka manok laban manok sabong kitai Iban endang di intu enggau manah. Kadang2 lebih agi ari kitai ka ngintu anak diri (ka sema jako aja) enti orang nya sayau ka manok sabong iya. Maioh culture serta penemu kitai Iban pansut ari pengawa nyabong. Enda ibuh aku mansut ka ditu laban udah ditulis aku ba Pengawa enggau Main Asal Iban.

Pasal nanjar utai tumbuh pan udah di pansut ka aku ba “Adat Berumah Nyerangkong Penti Pemali, Atur Pendiau Enggau Ulah Di Rumah Panjai.” Ulah tu ukai samesti iya kitai enda tau nebang kayu tauka nebas utai tumboh. Kati ko chara kitai bumai enti kitai enda batebang ka kayu, batebas ka babas. Nya kabuah enti kitai deka bumai, kitai maioh macham pengawa (ritual) dikena mayar tasih tanah ngagai Petara minta pamendar serta berkat ari Petara ngerja umai tauka tanah kitai. Utai tu ukai sapeneka kitai ngerja, tang pengawa tu dikerja kitai enggau bejimat bebasa ka semua utai ti kena pansa tauka dikerja kitai. Pasal batebang ka kayu ambi ka dijual nya pan nadai salah enti nya tau mai penguntong. Tang enti utai nya nyau kelalu lebih, pengawa tu tau ngerusak menua kitai empu (e.g. global warming, tanah tusur, Banjir). Pengawa amu ka pengaya baka tu nyau ngayah ka menoa lalu Petara pan enggai meda kitai ngerusak menoa baka tu.

Dalam pengarap kitai Iban, kitai nadai basembah ka “Jelu”. Kitai endang bisi Petara disembah (Sengalang Burong, Raja Sempulang Gana, Ini Inda, Bhiku Bunsu Petara, Menjaya, etc. Kitai mega nemu bala Bunsu antu (Holy Spirit – eg. Keling and Kumang) tau mali diri nyadi jelu tauka ular dikena sida nguji ka pamerani ati kitai mensia. Lalu Petara kitai mega ngena sakeda Jelu tauka Burong jadi ka massenger sida (see my article Part 2 Iban Augury) enti sida bisi utai dipadah ka nagai kitai mensia. Kitai Iban mega arap ka semua utai idup bisi samengat (spirit) ka diri empu. Nya kabuah kitai Iban “perchaya” enti kitai kelalu ngayah ka utai idup, samengat utai nya tau malas kitai lalu ngasoh kitai sakit (spiritually sick). Nya kabuah kitai selalu beguna ka manang tauka faith healer ngubat kitai.

Amai munyi ko nuan, Kitai mensia mega endang digaga Petara lebih pandai ari semua utai idup bukai. Tang kitai anang enda ingat, utai bukai ka idup dalam dunya tu mega bisi diberi Petara “kalebihan” ari kitai mensia (baka ular – iya bisi rachun bisa, ikan – ikan tau diau dalam ai, burong – tau terbai). Nya kabuah aku berani nyebut jalai pengarap kitai Iban lebih “realistic” dititih ari pengarap bukai.

Pasal peturun kitai Iban, enti nitih ka tusut, kitai tu endang peturun Petara (Sengalang Burong, Raja Sempulang Gana), Antu Gerasi (demon huntsman), mensia enggau jelu (Bunsu Babi, Bunsu Ikan Patin). Patut kah kitai ngumbai aki kitai Antu Gerasi ka benama Rukok seduai Antu Gerasi Belang Pinggang (Damu) nya Sitan? tauka Angel?. Enti kitai berati ka Jerita sida Antu Gerasi tu, sida iya datai nyadi “Savior” bansa kitai Iban, laban enti nadai ari tulong sida, bansa kitai Iban lama udah punas alah bebunoh ngelaban bansa bukai. Tuai-tuai kitai Iban menya enda tau menang ngapa ngelaban munsoh enti sida enda ditulong Petara enggau Bunsu Antu. Enda semua anak mensia bernasib bulih tulong ari Petara tauka Bunsu Antu. Nya kabuah orang ke nyadi tuai bansa kitai menya dikumbai kitai Berantu bendar, mutus berani ngiring anembiak laban endang ditulong Petara enggau Bunsu Antu.

Amai munyi ko nuan IJB, ajar Petara endang ngasoh kitai mensia bebaik. Tang anak mensia endang selalu belaya kenyau ari dunya tu udah nyadi….. barengkah ari bala anak Adam seduai Eve empu kelia, endang udah bebunoh ka pangan diri. Nama kabuah mensia bakanya? Human nature digaga Petara? …. Barebut ka Kuasa?….pengaya?….Ugama?…. Bangsa?… Love?….. or kitai endang digaga Petara enda sabaka enggau pangan diri? Bisi berani…takut …. pintar …. lembab…. sikar …etc (baka bulu enggau tuah manok sabong). Nya alai, ari ka nyabong mensia belaya, Petara meri kitai manok sabong awak ka kitai rindang enggau pangan enda bebunoh (baka sida Keling enggau Apai Sabit Bekait – ngetu bebunoh).

Arap ka runding aku bisi meri reti ngagai bala temuai ba ruai aku ditu.

on August 28, 2008 at 2:45 pm | Reply chgtmwr

Semua bala menyadi,

Ditu kitai ngenang,ngingat serta bejako ka pengarap, pengawa seta adat kitai Iban ke diatu enggau maya sida aki ini kitai kelia.Nya alai sapa bisi penemu dalam agi pasal utai ke disebut aku tadi tau di bantai ka ditu lalu ari tu ulih ‘contribute’ ngagai website tu.

Kitai (enti ulih) anang manding ka pengarap kitai Iban enggau pengarap bukai. Semua pengarap sigi mai pemanah.Ditu kitai bekenang ka pengarap,atur pendiau,atur pengawa enggau utai bukai ke bisi bersangkut paut enggau kitai Iban.Utai ke manah tau dikena kitai lalu utai ke enda diguna agi disimpan nyadi ka pengingat orang ke dudi hari ila.

Bala kitai Iban Islam, Kristian enggau ke udah ngena jalai pengarap bukai nadai salah meri penemu ke tau nyadi bahan collections ditu.Pia mega bala kitai Iban ke udah pindah jauh ari menoa Sarawak, baka di Sabah, Kalimantan enggau menoa tasik bukai.

Selamat maju.

gnmawar.wordpress.com/#comment-42939

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s