Gawai Gerasi Papa

Tuak Masam

Unggal, manah amat ga tusun gawai bansa kitai Iban ti bisi detulis ka ba web tu, tang agi mayuh tinggal tusun gawai ari pengawa berumah sereta ngagai kitai ti begawai pengabis besai iya nya gawai ti dekumbai (Gawai Gerasi Papa) nya naka pengambis pemesai gawai kitai bansa Iban.

 

Enti ulih aku ngarap ka nuan ulih mansik jauh ka agi gaya ripih gawai bansa kitai Iban awak ka bisi di kingat ka bansa kitai.

 

terima kasih unggal.

 

Ari aku

 

Tuak Masam, Lubok Ijuk,
Awik, Saratok

 

Terima Kasih Tuak Masam. Nitih ka lemambang tuai menya, bida 9 bengkah gawai burong nya ba leka pengap lemambang ke ngerja gawai. Tang aku nadai nemu sapa lemambang ke nemu pengap gawai burong, laban gawai tu jarang dikerja kitai diatu. Enti bisi nemu bala sida lemambang, nuan tau madah soh aku. TQ

 

GN

Selamat Taun baru 2008 ngagai pembaca. Terima kasih ka nuan unggal ti udah madah ka enda tentu ulih mansik tegal nadai urang ti udah nyadi lemambang tuai agi idup. uji nuan ngiga gawai dama sereta gaya ngintu gawai tu lagi awak ka bisi dekenang ba pengingat bansa kitai unggal.
tusun gawai burung aja pun dah cukup meh
1) Gawai sandau ari
2) Gawai sandau liau
3) gawai Nampun
4) Gawai kelingkang Manang
5) Gawai Kelingkang
6) Gawai Betambak Bulu
7) Gawai Encabuh Arung
8) Gawai Niri ka Tiang Kelekuyang
9) Gawai Gerasi Papa

Gawai Gerasi Papa nya enda tau dekerja sengapa baka gawai bukai laban dalam penemu bansa kitai Iban kelia, enti gawai Gerasi Papa dekerja dia rumah ti endur begawai nya enda tau enda debuai sepengudah gawai nya depenyadi abis laun 3 ari udah bekau begawai.

tq unggal….enti bisi salah ba ripih gawai burung detulis ka aku ditu arap ka nuan ulih ngubah.

Tu semina ba tusun gawai kitai anak lelaki.

Ba pengawa Gawai bukai agi mayuh, baka ripih gawai umai ti agi mengkang dekena sekeda bansa kitai Iban sampai ka diatu taja pun lemambang nadai tentu mayuh agi idup lalu jarang amat ga nembiak rebak baru rindu ka belajar ka pengawa menggap.

 

TQ Unggal Tuak Masam. Semua atur, ripih engau pengap Gawai Burong udah bisi ditulis aku ba weblog ditu. Semina aku enda tentu nemu ni bagi leka pengap ke enda sabaka leboh lemambang ngerja 9 bengkah Gawai burong laban dalam leka pengap lemambang, sida nusoi pejalai orang ke ngambi Sengalang Burong ngabang, pengawa lelambang ka badenjang ka orang empu gawai kelimpah ari sida ke nimang sida antu pala enggau nimang burong kenyalang. Nya kabuah atur Gawai besai kitai Iban bepangai bendar ba pengawa sida lemambang. Bala lemambang tuai endang nemu atur pengawa enggau ripih pengawa dalam gawai kitai Iban.

http://gnmawar.wordpress.com/#comment-42939

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s