Tandok rusa nyumbok baru

 

Chapoh amai kita sebuat dia neh, Bedilang Besi, Uchu Jupong enggau Uncle Gregory. Rindu ga macha randau kita tiga. Bisi utai ka ditanya ngagai kita tiga. Aku tu bisi cherita, ianya menantu petungal aku bisi gila ketegal tanduk rusa. Nyadi tanduk rusa tu dibeli iya ba pasar kapit lalu diatu di sangkut ke sida sebilik ba dinding tengah bilik besai. Tang enda mukai-mukai tanduk rusa tu tadi lalu nemu nyumbuk ari ujung tanduk ti lama. Keno ko cherita, menantu petungal aku nya selalu meda senayau Ini orang endang tuai bendar lalu bungkok pansut ari tanduk rusa ti nyumbuk nya. Tu cherita siti.

 

Bisi siti agi cherita menantu petungal aku tu. Ianya sebedau seduai beranak, kediatu seduai udah beranak 3. Maya seduai udah jadi melaki bini seduai endang nadai bisi anak dalam kandang 7 ngagai 8 taun. Mayuh meh pengawa seduai ngiga ubat kin kitu ngambi ke bisi bulih anak. Pemuas ke bakanya seduai lalu bisi besembiang ke Chapel di Goa, Chapel ti di atas Bukit di Sri Aman. Kira sebulan lepas nya, menantu petungal aku nya lalu betubuh bisi, lepas nya betangkan-tangkan meh anak seduai. Tang lepas nya seduai lalu nadai bisi beterima kasih ke petara ti udah meri seduai anak datai ke seharitu. Nyangka nya meh penguji tu datai ba iya. Nyadi maya yang ti ngasoh iya gila nya datai, iya selalu nyerauh minta bai laki iya besembiang ke gerija. Ba penemu aku tanduk rusa ti nyumbuk nya patut dibuai. Enti orang kristian, ngasoh Paderi ti patut ngereja pengawa nya muai. Enti orang ti agi megai pengarap lama sida ngena lemambang muai iya. Enda pia….

 

Aku tu endang megai pengarap kristian, taja pan aku rindu ke adat asal enggau main asal kitai Iban tang ba pengarap aku enti ulih endang ka nitih ke ajar Kristian. Ba penemu aku, laban aku bisi ga macha Bup Kudus ba senentang Bup Ulang Adat. Enti kitai ti udah megai pengarap Kristian kitai enda tau arap ke Burong, Engkeramba, Pengaruh kelebih agi genselan ngena darah manok enggau darah babi. Kebuah pia pemati Jesus Kristus di kayu regang udah nyadi ke genselan kitai, nebus semua penyalah enggau dosa kitai. Baka aku tu agi mit endang sigi diau di rumah panjai, endang agi tebal enggau culture kitai bansa. Sekeda adat aku endang enda muai, baka ngajat, pantun, beentelah, sangai, renong, betabuh endang aku rindu ngemeran ka. Tang ba senentang miring enggau utai bukai baka begaga ke pentik. Enda ulih aku. Laban kristian endang enda ngemendar ke pengawa nya, lalu orang kristian dipinta arap ke petara siku aja. Laban aku enggai ka pengarap kitai setengah-setengah lalu baka anak petungal aku nya penyadi iya. Minta ampun nyangka pekara ti dipansut ka aku ditu enda ngenyamai ke ati bala pemacha. Nadai salah kitai ngenang cherita tuai kitai kelia, laban sida bebunuh diberi antu petara kitai kelia pengaruh ngambi ke belaban enggau pangan diri. Antu ngajar tuai kitai kelia bebini mayuh, diasoh jadi enggau siku tu, siku nya. Iya ngajar kitai butang. Nyadi ke kitai manok sabung ngambi ke kitai ulih munuh diri sama diri. Tang diatu agi meh kitai meda bala keda ti agi megai pengarap kristian laban pengarap ti agi alang-alang ngerumpak, beambai enggau bini orang, nyual dadah enggau utai bukai. Nya jalai antu nguasa penemu kitai ba rebak diatu. Tu siti ari penemu aku, aku ka nemu ga penemu bala mayuh.

 

IJB,
Enti nitih ka jako orang tuai menya, enti utai baka tandok rusa nya nyau tumboh leboh iya dikembuan kitai, nya tanda iya deka begulai enggau kitai. Utai ti ngasoh iya enda gerai nya nyangka laban utai bukai, lebih-lebih agi enti kitai nyimpan utai lama (e.g. pengaroh, tajau) lalu nadai kala di intu kitai ngena jalai lama (miring). Diatu, laban orang maioh udah masok christain, sida iya enggai megai piring agi tang sida agi deka ngembuan utai lama. Laban enti kitai muai utai lama, kitai nadai cultural identity agi dikena membida bansa kitai ari bansa orang bukai ke sama pengarap (christain).

Aku empu, amat aku udah masuk Christain kenyau ari aku ke ada ka dunya tu, tang aku agi ngerja pengawa miring, laban agi meri basa ngagai aki-ini diri empu serta mega meri basa ngagai utai ti ditinggal ka sida ngagai kitai dikena idup tauka nyaga diri. Pengawa baka tu endang nadai di ajar dalam christain, tang dalam pengarap enggau jalai pengidup kitai Iban, utai tu endang diajar Petara kitai turun-menurun. Jalai pendiau kitai endang enda sama enggau jalai pendiau orang Christain ari Timur Tangah kelia. Kitai maioh antu-jelu begulai pendiau enggau kitai sabelak kampong baung, lalu orang christain kelia diau di menoa padang pasir. Nya kabuah kitai enda sama dalam jalai pengarap. Kitai mega ngena jalai beburong enggau mimpi dikena Petara ngulur ka pesan ngagai kitai, tang orang christain di timur tengah ngena jalai bukai, baka api enggau “apparation” (senaya laban pengangat padang pasir) dikena Petara nyampai ka jako ngagai mensia.

Nya alai runding kitai mesti “terbuka” serta anang buta2 nitih ka jalai pengarap orang bukai. Ujong jako …. enda patut aki-ini kitai bebula ka kitai pasal pengarap sida menya. Enti enda ari tulong Petara sida kelia, bansa kitai lama udah punas laban penyakit tauka munsoh kitai ke bukai. Orang christain nadai kala nulong bansa kitai kelia, amai sida iya dulu agi maju ari bansa kitai. Dulu agi meh sida nulong bansa Melayu tauka orang Islam ari ke nulong bansa kitai. Reti nya, “faith” sida ngagai bansa kitai enda mutus ati ari “faith” kitai ba Petara kitai.

Arap ka ninga penemu menyadi kitai ka bukai.

gnmawar.wordpress.com/#comment-42939

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s