Muja menoa kena‘Minta ampun ngagai petara’

Home – Utusan Borneo – Berita Iban – ‘Minta ampun ngagai petara’
‘Minta ampun ngagai petara’

Posted on November 19, 2010, Friday

KAPIT: Pengawa miring ti pemadu besai dikumbai ‘Muja Menua’ kena nyelapka ati bala petara ke pedis ati lalu ngujungka Sungai Belah enggau Sungai Rajang dibalut kayu anyut kena 7 Oktober suba dipejalaika ba tekuk Sungai Melatai ditu kemari.

Pengawa Muja Menua ti dikumbai miring pemadu besai ulih bansa Iban dipejalaikan sekeda manang Iban ke dipilih ari mayuh bengkah rumah panjai ba Sungai Baleh.

Pengawa besai nya betuaika Naban Tutong, 85 ari Entawau.

“Ku orang bansa Iban, utai nyelai ti nyadi (kayu anyut) nya laban bala petara pedis ati ngagai mensia ke enda nitihka adat basa lebuh ngulihka utai rampa menua di kampung.

“Ngagai orang Iban, tu endang tanda ngagai mensia ngambika lebih bebasa ngagai rampa menua lebuh ngulihka utai rampa menua baka kayu,” pia ku Menteri Pemansang Tanah Dato Sri Dr James Masing ke mega Kaban Kunsil Nengeri Balleh.

Pengawa Muja Menua dikereja ba dua buah piak tebing Sungai Melatai. Udah penembu pengawa, nadai orang dikemendarka ngena Sungai Melatai, ari nanga sungai ngagai ulu sungai semak entara menua Indonesia ngelama tiga hari.

“Enti bisi orang enda nitihka atur tu deka diukum RM100,000 ulih orang menua dia lalu sida deka disumpah petara ti dikangau kami maya pengawa miringnya laban enti sida ngelanggar atur nya, semua pengawa kitai sehari tu enda nyadi magang,” ku Naban.

Muja Menua dikereja tumu pagi Hari Tiga sebedau hari tawas tauka sebedau burung jai mansa.

“Enti sema burung jai mansa, semua pengawa tu deka diketuka,” ku Naban.

Dua iku jani laki dibunuh Masing enggau bala manang.

Pala babi ditanam ba dua piak tebing sungai sereta darah babi kenu ku sida ulih nyelapka ati bala petara lalu bangkai babi dibuai ke dalam sungai kena meresi sungai ari penyalah mensia ngambika iya tau pulai manah baru. “Kami besampi ngagai bala petara ngambika ngisi sungai kami baru enggau semua macham ikan sereta kampung kami enggau jelu,” ku Naban, ke madahka kayu anyut ti ngemenuhka sungai udah ngemunaska semua ikan nyengkaum jelu ba menua Melatai.

Sebedau pengawa miring besai nya dikereja, siti agi pengawa miring dikereja kena lemai Hari Dua kena ngepunka Muja Menua.

“Udah kami lebuh ngereja pengawa miring, ujan balat amat turun. Ujan tu tanda manah laban iya berekat ari bala petara ti disembah kami.

“Muja Menua tu enda deka dikereja agi seagi-agi nadai tasah besai baka nya nyadi ba kitai,” ku Naban.

Kena nembuka pengawa, 30 piring diengkah ba dua piak dua bengkah sungai di atas kelingkang buluh.

“Saritu kitai bisi 60 piring. Selalunya kitai semina ngengkah tujuh piring. Ari tu, kitai ulih meda pemesai pengawa tu,” ku Naban agi.

Pengawa nya digulu urung 200 orang Tuai Rumah ke diau sepemanjai Sungai Baleh. Bisi 52 bengkah perau panjai dikena ngangkut sida ke nanga Sungai Melatai.

Ulu Sungai Melatai udah ditemu nyadika pun penyadi kayu anyut ti balat kena 7 Oktober suba.

Bisi mega enggau pengawa nya iya nya Sapit Menteri Pemansang Menua Pesisir enggau Kandang Menua Datuk Joseph Entulu Belaun, Sapit Menteri ba Opis Kepala Menteri John Sikie Tayai enggau Temenggong Dato James Jimbun sereta bala sekretari politik, tuai-tuai opis enggau tuai raban bansa.

Read more: http://www.theborneopost.com/2010/11/19/%e2%80%98minta-ampun-ngagai-petara%e2%80%99/#ixzz2VHNIKrVv

‘Minta ampun ngagai petara’

Posted on November 19, 2010, Friday

KAPIT: Pengawa miring ti pemadu besai dikumbai ‘Muja Menua’ kena nyelapka ati bala petara ke pedis ati lalu ngujungka Sungai Belah enggau Sungai Rajang dibalut kayu anyut kena 7 Oktober suba dipejalaika ba tekuk Sungai Melatai ditu kemari.

Pengawa Muja Menua ti dikumbai miring pemadu besai ulih bansa Iban dipejalaikan sekeda manang Iban ke dipilih ari mayuh bengkah rumah panjai ba Sungai Baleh.

Pengawa besai nya betuaika Naban Tutong, 85 ari Entawau.

“Ku orang bansa Iban, utai nyelai ti nyadi (kayu anyut) nya laban bala petara pedis ati ngagai mensia ke enda nitihka adat basa lebuh ngulihka utai rampa menua di kampung.

“Ngagai orang Iban, tu endang tanda ngagai mensia ngambika lebih bebasa ngagai rampa menua lebuh ngulihka utai rampa menua baka kayu,” pia ku Menteri Pemansang Tanah Dato Sri Dr James Masing ke mega Kaban Kunsil Nengeri Balleh.

Pengawa Muja Menua dikereja ba dua buah piak tebing Sungai Melatai. Udah penembu pengawa, nadai orang dikemendarka ngena Sungai Melatai, ari nanga sungai ngagai ulu sungai semak entara menua Indonesia ngelama tiga hari.

“Enti bisi orang enda nitihka atur tu deka diukum RM100,000 ulih orang menua dia lalu sida deka disumpah petara ti dikangau kami maya pengawa miringnya laban enti sida ngelanggar atur nya, semua pengawa kitai sehari tu enda nyadi magang,” ku Naban.

Muja Menua dikereja tumu pagi Hari Tiga sebedau hari tawas tauka sebedau burung jai mansa.

“Enti sema burung jai mansa, semua pengawa tu deka diketuka,” ku Naban.

Dua iku jani laki dibunuh Masing enggau bala manang.

Pala babi ditanam ba dua piak tebing sungai sereta darah babi kenu ku sida ulih nyelapka ati bala petara lalu bangkai babi dibuai ke dalam sungai kena meresi sungai ari penyalah mensia ngambika iya tau pulai manah baru. “Kami besampi ngagai bala petara ngambika ngisi sungai kami baru enggau semua macham ikan sereta kampung kami enggau jelu,” ku Naban, ke madahka kayu anyut ti ngemenuhka sungai udah ngemunaska semua ikan nyengkaum jelu ba menua Melatai.

Sebedau pengawa miring besai nya dikereja, siti agi pengawa miring dikereja kena lemai Hari Dua kena ngepunka Muja Menua.

“Udah kami lebuh ngereja pengawa miring, ujan balat amat turun. Ujan tu tanda manah laban iya berekat ari bala petara ti disembah kami.

“Muja Menua tu enda deka dikereja agi seagi-agi nadai tasah besai baka nya nyadi ba kitai,” ku Naban.

Kena nembuka pengawa, 30 piring diengkah ba dua piak dua bengkah sungai di atas kelingkang buluh.

“Saritu kitai bisi 60 piring. Selalunya kitai semina ngengkah tujuh piring. Ari tu, kitai ulih meda pemesai pengawa tu,” ku Naban agi.

Pengawa nya digulu urung 200 orang Tuai Rumah ke diau sepemanjai Sungai Baleh. Bisi 52 bengkah perau panjai dikena ngangkut sida ke nanga Sungai Melatai.

Ulu Sungai Melatai udah ditemu nyadika pun penyadi kayu anyut ti balat kena 7 Oktober suba.

Bisi mega enggau pengawa nya iya nya Sapit Menteri Pemansang Menua Pesisir enggau Kandang Menua Datuk Joseph Entulu Belaun, Sapit Menteri ba Opis Kepala Menteri John Sikie Tayai enggau Temenggong Dato James Jimbun sereta bala sekretari politik, tuai-tuai opis enggau tuai raban bansa.

Read more: http://www.theborneopost.com/2010/11/19/%e2%80%98minta-ampun-ngagai-petara%e2%80%99/#ixzz2VHNIKrVv

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s