PIRING TURUN 9 BEBASAKA KABAN BELAYAN SERETA BUJANG BERANI

PIRING TURUN 9 BEBASAKA KABAN BELAYAN SERETA BUJANG BERANI: Atur pengawa miring betuaika Temenggong Kanang anak Langkau.

Read more: http://www.theborneopost.com/2011/07/27/rangkah-21-iku-raban-penyidi-bujang-berani-mujur-dibai-pulai-ke-menua-asal/#ixzz2VHSBIyQj

Home – Utusan Borneo – Berita Iban – Rangkah 21 iku Raban Penyidi Bujang Berani mujur dibai pulai ke menua asal
Rangkah 21 iku Raban Penyidi Bujang Berani mujur dibai pulai ke menua asal

by Jacqueline David. Posted on July 27, 2011, Wednesday

PIRING TURUN 9 BEBASAKA KABAN BELAYAN SERETA BUJANG BERANI: Atur pengawa miring betuaika Temenggong Kanang anak Langkau.

KUCHING: Penerebai rangkah 21 iku bujang berani mujur sangkai ba padang bilun sedadu langit TUDM urung pukul 1.15 tengahari kemari ke disambut enggau penyinu sereta basa ke besai ari sedadu darat enggau langit nengah adat bansa Iban.

Kaban belayan sereta suku juru niang bela nyambut pemulai rangkah 21 iku Raban Penyidi Bujang Berani Iban ke parai ba Malaya urung taun 1940 kelia, lalu keterubah iya dalam lebih 60 taun, rangkah bujang berani dibai pulai ngagai menua asal sida iya, disambut enggau penuh adat enggau basa bansa Iban.

Bilun sedadu TUDM Hercules Charlie ke mai rangkah bujang berani terengkah ba padang bilun TUDM dalam urung pukul 1.15 tengahari lalu disambut enggau penuh basa ulih 21 iku bala sedadu darat nyengkaum sedadu langit ngatung lungun bujang berani ke dibungkus ngena menira Malaysia.

Tembu 21 iti lungun nya ditusun sedadu darat ba atas mija, pengawa miring betuaika Temenggong Kanang anak Langkau dipenyadi ngena Piring Turun Semilan, ke endang diungkup kena kena ngelaluka penatai ‘Rangkah Bujang Berani’ tauka reti jaku dikena ngelaluka tua’ bujang berani ke mati di Malaya maya menua siga urung taun 1940 kelia.

Piring Turun Semilan diatur kena meri basa ngagai kaban belayan, ngambika sida ke agi idup terus kering sereta berani.

Sepengudah pengawa miring, Sapit Kepala Staff Sumber Manusia Angkatan Tentera Malaysia ti mega nyadi Chairman Kor Ranger, Mejar Jeneral Dato Mohd Zaki Mokhtar nyuaka menira Malaysia ngagai Sapit Kepala Menteri, Datuk Patinggi Tan Sri Alfred Jabu.

Entara kaban belayan ke bisi dikerandau kemari, iya nya Bidang anak Bagi, menyadi Rejab anak Bagi ke parai kena 27 Januari 1956 sereta dikubur ba Jalai Cheras, Kuala Lumpur.

Ku iya: “Aku berasai sinu ati laban dalam 7 iku kami menyadi , agi bisi 3 iku meruan. Rejab menyadi tuai kami, lalu sekumbang iya ke nadai urung taun 1956, kami sigi nadai kala ngabas kubur iya laban menua nya ke jauh, tambah mega kami nadai nemu endur kubur iya.

“Meruan dikenang belama niang menyadi kami tu laban iya menyadi ke chukup nelap enggau kami. Perengka ke dikena aku sigi iya belama ke selalu meli. Diatu nadai dipeda kami agi, tang mujur rangkah iya udah dibai pulai kitu lalu disambut enggau basa,” ku iya ke endang asal orang Skarok, Lubok Antu.

Seiku ari Raban Penyidi bansa Iban ke udah pinchin diatu (pegawai waran dua), Sengalang Uyang, 74 asal ari Kapit entara orang ke kala berambunka nyawa nyadi ‘Trackers’ Iban lebuh ngintu menua Malaya siga kelia.

Ngenang pengawa iya kelia, ke kala berambunka nyawa, Sengalang madah peragam ati seiku orang patriotik sigi tinggi ba bala Trackers Iban kelia, lalu pengering sereta pemerani ngelaban munsuh maya nya sigi pengawa dikereja enggau pengabis ati laban deka nyaga pengelikun menua.

“Maya kami ngambi rangkah tu pulai, lebuh dalam bilun kemari, berasai sinu ati laban sida bujang berani ke diambi pulai ari semenanjung enggau Singapore udah nadai dipeda agi tang pengudah terengkah ba padang bilun, ati berasa lantang laban sida tu udah datai ba menua asal Sarawak, saum tanah enggau diri sebilik ,” ku iya.

Ku Sengalang, entara Raban Penyidi bansa Iban ke kala begulai enggau iya, iya nya niang Nyambik anak Pasang, enggau Entap anak Tulu.

Bala pemesai bukai ke sama bisi ngulu atur pengawa nya kemari, Menteri Pemansang Pengawa Rama enggau Kandang Mengeri Tan sri William Mawan Ikom, Menteri Muda Pemansang Menua Pesisir Datuk Gramong Juna, Tuai Opis Pengintu Adat Istiadat Datu Nellie Tangai, Kaban Kunsil Nengeri Balai Ringin, Snowdan Lawan, enggau Sapit Sekretari Besai Menua, Datu Ose Murang.

Rangkah 21 iku Raban Penyidi bansa Iban ke dibai pulai, iya nya Ungkok Jugam, Jaweng Jugah, Unggat Ujom, Ugap Utut, Letan Kusing, Nyambik Pasang, Kumpang Tinggi, Bulan Kasau, Kelambu Gadung, Untang Engan, Rejap Bagi, Entap Tulu, Nyantau Juna, Manit Cheling, Nyaru Talap, Mat Akit, Empati Dugu, Adrain Tandang, Utot Tanggang, Dampi Berain enggau Janggak Ingkoi.

Enam iku raban dianjung engkubang baru kubur bujang berani ke bisi ba Kedah, Batu Gajah, Kemunting, Kuala Lumpur, Melaka enggau Singapore sebedau iya dikubur baru kena 27 Julai tu ba belakang gerija St Joseph (besemak enggau Sarawak Club).

Operasi Mai Pulai rangkah bujang berani tu terubah dikelala enggau nama Ops Ngerapuh datai ari penemu Lt Kol (B) Robert Rizal Abdullah ba taun 2010, ke alai penemu iya tu dibantaika iya ngagai sapit kepala menteri.

Read more: http://www.theborneopost.com/2011/07/27/rangkah-21-iku-raban-penyidi-bujang-berani-mujur-dibai-pulai-ke-menua-asal/#ixzz2VHRyfmeu

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s