Ajat tuai kayau muka panggau pemerindang

Home – Utusan Borneo – Berita Iban – Ajat tuai kayau muka panggau pemerindang RWMF 2012
Ajat tuai kayau muka panggau pemerindang RWMF 2012

Posted on July 15, 2012, Sunday

SANTUBONG: Tanda ajat tuai kayau sereta alun lundai gitar sape muka panggau pemerindang Rainforest World Muzik Festival (RMMF) 2012 ensana. Mungkal panggau pemerindang ti diatur tiga malam berunggu,

The Muzik of Sarawak mega deka mandangka tabuh gendang ari genap pupu raban bansa ti nyengkaum Iban, Bidayuh enggau Melayu.

Pengari raban nya Narawi Rashid madah panggau RWMF 2012 ungkup taun ke-15, dibuka enggau tanda ajat tuai kayau ti mandangka pemanah seni main asal Sarawak.

“Tanda ajat tuai kayau muka panggau RWMF 2012 lalu dikerami seraban nembiak ti beumur entara 10 ngagai 17 taun.

“The Muzik of Sarawak mega mantaika tabuh gendang ke dikembuan raban bansa Iban, Bidayuh enggau Melayu,”ku iya ba siti aum pengarang berita diatur ba One Hotel Santubong ditu, ensana.

Penanyi tebilang peranak Miri ti ngangkatka nama diri ba menua Amerika, Zee Avi mega dikangau niki ke atas panggau RWMF merindang temuai ba malam keterubah.

Lebuh dikerandau pemberita, Zee Avi madahka diri gaga diberi awak dalam RWMF 2012 begulai enggau band tebilang bukai ari serata dunya.

“Tu meh awak keterubah aku belagu merindang ba RWMF lalu aku chukup gaga ketegal ti ulih mantaika muzik kami ba menua diri.

“Sepengelama empat taun ba dunya muzik, kami udah enggau konset ba mayuh bengkah palan di Amerika Syarikat sereta kala mega ngatur konset ti menua Asia.

Ku iya, RWMF udah nyadi sebengkah pengerami ti mujur ngangkat Sarawak ba mata dunya lalu iya ngasaika diri diberi basa ti besai mantaika muzik sida ditu.

Tujuh band merindang ba malam keterubah RWMF 2012 iya nya dipunka Sape & Warrior Dance (Sarawak) lalu ditankanka Nading Rhapsody (Sarawak), Le Trio Joubran (Palestine), String Sister (Scotland/Norway/Ireland/

Sweden/USA), Rhythm of Borneo (Malaysia), La Zikabilo enggau Zee Avi nutup panggau pemerindang malam nya.

Read more: http://www.theborneopost.com/2012/07/15/ajat-tuai-kayau-muka-panggau-pemerindang-rwmf-2012/#ixzz2WP4ZNnru

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s