Baju ujan – ngepan Iban tungaka Batang Rajang

HomeUtusan Borneo – Berita Iban – Iban pegari enggau pemanah ngepan asal

Iban pegari enggau pemanah ngepan asal

by Ambrose Rirang. Posted on June 8, 2013, Saturday

BAJIK: Seiku ari pesereta ti ngambi bagi ba Pekit Kumang rambau Pengerami Gawai Dayak ba Pelilih Mit Menua Sebauh empai lama ke udah ti ngena ‘Ngepan Batang Rajang’ tauka ‘Baju Ujan’.

BINTULU: Bansa Iban endang tebilang enggau pemanah ngepan asal ti dikembuan sida baik ke indu tauka lelaki.

Orang ti bisi ngepan asal tu endang orang ti pugu ngibun bilik tuai. Sekeda ari ngepan tu tadi nyauka punas sereta jarang dipeda kemaya hari tu.

Nyadi sebengkah ari ngepan asal indu kitai Iban ti jarang amat dipeda kemaya hari tu iya nya ‘baju ujan’ ti digaga ari leka marik enggau pelaga.

Sandine Bennidect, 40, seiku ari pungka lelaki pelilih menua Bintulu ti bisi ngembuan baju ujan tu madahka ngepan asal tu semina dikena raban indu Iban tunga menua ke Batang Rajang aja kelia.

“Beduduk ari ngepan tu semina bisi dikena indu tunga ke menua Batang Rajang aja kelia, nya alai iya tau mega dikangauka orang ‘Ngepan Batang Rajang’,” ku iya.

Ku iya, ambika baju ujan tu manding agi dipeda, orang ke ngena ngepan tu mega bekenaka dujung marik ba pala lalu mega bekain buri.

Ku Sandine, enti seiku-seiku indu nya masuk ke dujung marik, baju ujan sereta bekenaka kain buri, iya udah tau dikumbai ngepan indu Batang Rajang ti lengkap.

Lebuh ti ngenang pasal baju ujan, ngepan bakatu nyau jarang agi dikena laban engka tusah alai bulih leka marik kelia lalu enti sema orang agi ngembuan, engka disimpan sida nyadika pesaka aja diatu.

“Tang ba penemu aku, ngepan bakatu aruh iya diidupka kitai baru ambika enda punas jemah ila laban tu nunjukka pengaya ngepan asal kitai Iban menya,” ku iya.

Nya alai ku Sandine, laban ti angkun ke ngepan asal bansa Iban iya bisi ngaga Kediri empu ‘baju ujan’ laban sayau ke ngepan bakanya nadai dikenatika kitai agi.

“Naka penyayau enti ngepan ‘baju ujan’ tu lesap pia aja sereta enda dikelala agi laban ti jarang dikena sereta tusah alai bulih,” ku iya.

Ku iya, rega baju ujan ke tulin diatu ulih manggai lebih ari RM10, 000 seiti laban baju nya endang digaga 100 peratus ari leka marik kelia.

Taja pia, baju ujan tu ulih digaga baru enggau leka marik moden lalu sama bela manah baka ‘baju ujan’ ti asal mega.

“Aku endang arapka bala kitai Iban sama besaup ngidupka baru ngepan tu am­bika iya terus nyadi sebeng­kah ari ngepan asal bansa kitai sereta dikelala baka ngepan asal ti bukai mega,” ku iya ngujungka jaku.

Print Friendly

Read more: http://www.theborneopost.com/2013/06/08/iban-pegari-enggau-pemanah-ngepan-asal/#ixzz2XP9jdTdw

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s