Piring turun 9 kena pansut ke tanju sandau ari
Leave a reply
Reti piring jari / seleka
Reti Piring Jari Ba Bansa Kitai
Reti pedara ba jari bansa kitai iban bepun ari piring ba teresang.Kabuah pia ngicha petara meda kitai berterima kasih agai ia ari pemulih rejeki diberi petara tauka Allah Taala agai kitai iban.
Ba kenang menya, piring jari depun ari mimpi Rundai ti bulih rejeki belama tang ia enda kala meri beterima kasih agai petara ti ngujung bala sida Sengalang Burung ngajar bepiring ba jari tauka pedara ba jari ti meri basa agai Batara sereta ngarap petara meda ia ke makai piring tanda minta rejeki ke baru ari petara sereta ngarap petara meri rejeki melimpah ruah ari pedara jari ti disedia ke anak mensia.Tu kabuah piring jari tauka pedara jari di adu kitai bansa iban kelia:
1) Beterima kasih agai petara alu ngarap petara meda ia pedara jari.
2) Piring jari tauka dikumbai pemeri ari petara laban petara udah meri pemujur ba piring nya lebuh dempa bereti TUAH meresap agai tubuh ia ka makai piring nya.
3) Kelia duit nya nadai dikena, daun sabang mirah tauka daun biru nyadi sengkalan ba jari,kabuah pia laban kitai mensia percaya agai asal kitai ti beguna ke daun bakanya ba pengidup ba senentang makai enggau ngintu utai.Diatu duit mega beguna nya kabuah ditukar ngena duit mega.
4) Telu nya tadi, enti kitak miring agi ila, enti ulih leboh telu udah mansau alu engkah ba daun sabang tauka ba daun biru sebedau dibantai ka ruai. Kabuah pia ngicha bala ke laki tauka ke indu ke dipiring kitak nya ila nelesak baka daun sabang, beranak pinak baka daun biru. Alu kena duit ba sengkalan ba jari. Nya baru amai anak iban. Daun ruku enti ulih ari daun ruku apong ti bereti utai jai ambis tebuai ari asap diinsap alu dikesuh mega. Enti ulih anang ga nginsap nya enti ukai penginsap.Mina tau negu aja pen tau nya bereti muai utai jai ba tubuh sereta sua agai bala diri sebilik ke nginsap nya.
Enda tau orang bukai nemu, bereti ia nyangkung muai pengenyai ba tubuh diri. Maia gawai nya aja bisi reti. Enti nadai gawai nya.Majak nginsap, nadai guna nya. Sigi ka munuh diri empu nginsap enti endang penginsap.
5) Sirih pinang bereti ia pait manis pengidup kitai mensia ba dunya. Lebuh bisi pait lebuh bisi kelat ga. Alu ia ke jai tadi dibuai alu ke manah tadi ditelan. Bakanya meh kitai mensia lebuh lesi baka sirih pinang lebuh ambis pait enggau kelat nya bereti kitai enda ngasai nya agi lebuh maia udah parai.Enti udah begawai nya nyau majak makai sirih pinang, nya ukai bakanya reti ia enyau nyelai reti ia. Sigi pemakai sirih pinang nya mega. Enti enggai makai sirih pinang tau diketup mega semina negu alu beri bala kitak sebilik enti ka makai nya.Enti nadai ga, kitak sebilik tau negu magang ba sirih nya alu buai ga ba sungai. Anang nikau sirih pinang nya sengapa laban nya penanda pengidup kitak.Buai manah ba sungai au.Engkah ba pinggai alu anyut ke ia nitih arus sungai.
6) Ubung ba jari.Bereti nya meh pengidup tali seput kitai, ngarap kitai gayu guru nyamai lantang senang nguan menua mega baka ubung nya ti panjai sereta manah ba pengidup.
7) Baka tumpi mega endang asal pemakai kitai alu rendai pen asal kitai sereta perengka bukai pen bakanya.Bisi maia bulih utai, bulih amai alu enti nadai pin endang nadai amai. Bereti kitai naka ulih beridup bekereja ngiga pemakai. Nya tunjang bansa kitai kena ngering diri ba pengidup. Ga dikesema jako agi menya. Retih baka rendai, lemik baka tumpi, sungki endang pengasuh berani.
8) Genselan ba jari enggau ba kening bereti petara nya meri kitai tuah limpah ba semua pengawa ti manah ka nyadi ba kitai alu petara ngarap kitai manah enggau genap mensia ka bukai mega.
Nyadi nya aja kenang aku ba piring jari alu semampai ngemai bala kitai sebansa kelala ke amai reti pengawa adat bansa kitai sereta pengarap kitai ke menya ti enda nagang rejeki kitai enda meri kitai merinsa enti kitai amai bebasa ke tanah, buah, menua sereta ka bukai.
Pengarap kitai menya maioh agi bepanggai agai dunya enti ka bisi pemisi ba ruang bilik diri diatu.Tang maioh nembiak rebak ke baru diato madah pengarap lama nya nyekat sida bulih pemanah tauka pemujur beridup ba dunya tu.Nyadi ba kenang aku, enti kitak ka ngena nama nama pengarap beridup sigi senang sigi nyamai ianya ari pengarap lama pen manah mega.Kabuah pia laban pengarap agi ngandal ke dunya, enti kitak agi bumai betaun kitak tauka muka umai ke besai amai, enti kitak bekebun tauka buka kebun nya besai amai, enti besawit tau buka ladang sawit nuan besai agi alu arinya meh kitai untung.
Nama pemedis bakanya deh, tanya ba ati kitai tua mensia empu ke ngaga utai senang tang Batara ti meri rejeki agai kitai mensia.Kelai agi idup aki inik kitai kelia baka jeman diatu, malu kitai pelaba aku meda sida muka bebesai ladang lada, ladang sawit enggau umai besai tauka sawah padi ti bebesai. Empa pemintar orang kelia beridup ari tanah.
Diatu kitai sebansa mina pintar ba bekuli ba belah negeri enggau berajar ba bup aja sereta kabukai. Ulih ditiap bansa kitai ke bedau gawa ba tanah ngaga kebun lada,ladang sawit diri empu,enggau utai bukai. Jarang meda nembiak redak baru ka ngaga pengawa ngereja ba tanah.Nya aja kenang aku ke serak tu.
Kredit: Jerita Pengingat Tuai (Blog)
Beketan Telik
Bansa Seru di Bukit Tenggalat enggau Ulu Melupa suah dikayau anak ulih Antau Linggang Nengeri seduai menyadi iya Gun Mangkubumi ari menua Rimbas tu endang orang ka beberita tau matak kayau anak lalu suah bendar beberita ulih ngalah ka bansa Seru di Bukit Engkalat, Bukit Legong, di Ulu Melupa enggau di sebelah Nanga Awik. Nyadi ketegal seduai iya ti selalu mujur ngalahka bansa Seru, nya alai seduai iya lalu diberi Imam Maulana tuai Laut Kabong ba nanga Batang Krian gela Rekaya. Udah alah bansa Seru ba tiga bengkah menua nya tadi dia sida bansa Seru tu tadi lalu ngelari kediri ka menua Nanga Diso masuk batang Sungai Awik mimit enda jauh ari Bukit Tebujang di menua Ulu Awik kena pegai menua Saratok. Nyadi raban sida iya sebengkah agi lalu ngelarika diri ngagai menua Tanjung Pilin dalam Batang Sebelak ari ili Nanga Roban.
Dayak, Iban Borneo – UTUSAN SARAWAK
Tusun Ke-44
IBAN, MELAYU ENGGAU ASAL MENUA SARAWAK
Nitihka sejarah enggau jerita tuai, dulu kelia menua Sarawak tu mit aja ti beduduka ba nanga Sungai Sarawak lalu kena pegai perintah Sultan Berunei ti begelar Al-Marhum. Bansa Dayak Iban nyebut Sultan Berunei tu Raja Merom. Sultan Berunei Keenam ti benama Abdul Kahar lalu suah disebut orang Merhoum Keramat anak Sultan Bolkiah iya nya Sultan Berunei Kelima. Sultan Berunei ke penudi bendar ngena gelar marhum tauka Merhoum iya nya Sultan Omar Ali Saifudin I ti lebih tampak rita disebut orang Merhoum di Makam Besar. Iya nyadi Sultan Berunei Ke-18 lalu bekuasa berengkah ari taun 1740 ngagai 1795.
James Brooke datai di Sarawak jeman ichit Sultan Omar Ali Saifudin I ti benama Sultan Omar Ali Saifudin II; Sultan Berunei Ke-23 ti merintah Berunei berengkah ari taun 1828 ngagai 1852.
Menua Sarawak ti dipegai perintah Sultan Berunei jeman taun 1599 lalu bisi Sultan kediri empu ti benama Sultan Pengiran Tengah Ibnu Sultan Hassan. Maya Sultan Sarawak nya belayar ke menua Pahang enggau Johor iya maduka Datuk Patinggi Seri Setia, Datuk Shah Bandar Indera Wangsa, Datuk Amar Seri Diraja enggau Datu Temenggong Laila Wangsa ngemataka menua Sarawak. Pejalai Sultan Pengiran Tengah belayar ke menua tasik iya nya deka nemuai ngagai ibu iya Raja Bonda di Johor. Raja Bonda tu menyadi apai Sultan Tengah ti belaki jadi enggau Sultan Abdul Jalil ti bekuasa di Johor taun 1628 ngagai 1667.
Bujang Berani Iban Dua – UTUSAN SARAWAK: Mujah “Buah Raya”
MUJAH BUAH RAYA
Mujah ti bensumbar Buah Raya tu siku tuai kayau Iban ti beberita jelai nama tampak rita di Entabai, Julau berengkah ari taun 1840an ngagai 1860.
Ketegal pemerani sereta pengelandik iya nyadi tuai, Sharif Masahor di Mukah meri iya pangkat Panglima. Panglima Mujah tu anak Melina “Bunga Ringkai” datai ari Skrang. Niang Apai iya Melina “Bungai Ringkai” endang tuai kayau Iban Skrang ke suah matak kayau ngalahka rayat perintah Raja Merom @ Sultan Berunei di Oya, Mukah enggau di Balingian serambau enggau penatai James Brooke ke Sarawak.
How Gedong got its name?
UJUD BUNGIN: Antu Ancak
Saturday, May 29, 2010
How Gedong Got Its Name
By MyAbah
Before Sadong was forced to be surrendered to James Brooke by the second half of the 19th century, Gedong was the administrative centre of Sadong. At that time Sadong was under the rule of Sultan of Brunei, which had its centre at Kota Batu (now in Brunei Darulsalam).
The last Datu Patinggi of Sadong, which was centered in Gedong, was Datu Patinggi Muai (Patinggi Muel in James Brooke Journal). Before the rule of Brooke family, Sadong (Gedong) was headed by its last Datu Bandar, he was Datu Bandar Abang Mohammad Kassim bin Abang Amit. He was accused, together with Datu Patinggi Abdul Gapur, of plotting to topple the Brooke Rajah. In which he strongly denied. As the result, he was forced into exile by Brooke in Kuching where he died. From then Gedong glory was declining from its golden era.
According to archeological found in Gedong, it was used from 7th century to 13th century. The excavation work was done by Sarawak Museum in the late nineteen sixties until the early seventies.
The local meaning of gedong is godown or store. So it seemed that Gedong was named after godown. We have two versions of legend on how Gedong got its name. One was written by Iskandar bin Mardan, which was published by Borneo Literature Bureau in the Dolphin Magazine in the second half of nineteen sixties. The second version was by Openg Onn Net (unpublished) in his paper, Gedong – Reinventing The Old Glory. Both versions have the same conclusion as how Gedong got its name.
1.How Gedong Got Its Name – By Iskandar bin Mardan
About two hundred years ago when Sarawak was governed by the Sultan of Brunei, a group of Malays left the Saribas River and journeyed up the Sadong River. They were searching for fertile land for planting wet padi.
After two days they still had not found a suitable area. They went on until at last they reached a small Malay village at the place where the Sadong and Krang Rivers met. They saw padi growing well there. There seemed that there were no wild pigs, deer or insects to destroy the crop and so they were satisfied with the area.
The leader went to ask the village headmen permission to stay and farm. The headmen agreed, but said that first they should offer seven difference kinds of food to the spirits at Ujud Bungin, just outside the village before they made their settlement. After that, he explained the spirits would help to look after their padi.
The new settlers made the offering and then began building their houses. When they had finished, they started clearing the land. They all worked very hard and soon a large area had been cleared. After a few weeks they completed planting the padi.
The padi grew very well indeed, and they looked after it carefully. Tthey were all very happy to sea it bearing good fruit and the padi fields soon looked like a yellow green sea.
When the padi completely ripe they were all very busy harvesting. In just a short time all their containers were full of padi, so they made a large store about fifteens fathoms long and four fathoms wide. That store was soon filled with padi and everyone was very happy and lived peacefully.
Because of the padi store, the people of the Sadong and Saribas areas began to call the place Gedong padi, which means padi store. From then on it has been known as Gedong; no-one includes the word padi.
This is how Gedong got its name.
2.Gedong – Reinventing The Old Glory – By Openg Onn Net
In the oral history, Gedong came about through many legends, myths and beliefs. As some stories had it that, Gedong was formed when Raja Ahmad, said to have filial connection with the Brunei court made an escape from the lanuns attack while on his way to Sarawak (now Kuching). Having reached the confluent of Krang River and Sadong River, he decided to stay for the nights until the situation would be safer for them to leave. While there, they were amazed to find out that anything they threw on the soil like padi and fruits germinated into healthy plants. Besides,
they found many wild fruits in the forest. It was then that Raja Ahmad told his subordinates to stay put and make the area as their new home. He immediately ordered them to plant padi and after months of tilting, there was bountiful harvest so much that they had to build a big godown to store their yields. It was then also that they decided to name their new found home Gedong. From there Gedong prospered into an entreport with link to other important ports of the world like China.
Padi still remain as one of the main agriculture produces of Gedong. Now the trend has changed a lot, from self sufficient to commercial. Bernas is the first to take the challenge. Its rice field is in Lubuk Terangas; and there are a lot of big gedongs used for storing padi. So it seemed that Gedong has comes to its glory (modern) once again.
Note:
Top photograph courtesy of Sarawak Museum showing Gedong of 1960s.
Bottom picture showing padi is every where in Gedong. In front of my siters’ houses.
***Source:- http://myabah.blog.friendster.com/category/mygedong/
http://zogedong.blogspot.com/2010/05/by-myabah-before-sadong-was-forced-to.html#c4807697568024239039
Powered by Blogger.
Watch “Tarian Ngajat Indu Iban (Asas)” on YouTube
Jerita Lintong Mua Ari
Lintong – Ensumbar Moa Ari
Berengkah ari Jenang ngambi Jenap tibpindah bebala ari Lubok Subong di Lemanak,melunggang ka Kanowit lalu diau di Emperan besai Ng Pangkit, lalu pindah baru ngili ka Kanowit lalu datai di Ng Julau dia suda lalu bebagi bala serta sama besara tunga alai pindah. Jenang tu mati tuai serta ditumbak ka orang di Pendam Batu 2 di Ng Julau. Peturun iya :
- Jenang x Jinap
- Lintong x Cherani= Labang, Siman, Mendu
Udah parai Cherani di kayau Embaloh di Batu Betekup di Julau, Lintong beganti baru ngambi indu ari Entabai ti benama Bajik. Leboh Lintong ngayau Embaloh dia iya tulih ka ensumbar diri empu ke disebut orang Lintong Moa Ari, laban ke ngeretong ka rumah Embaloh nyau petang asap rumah munsoh di tunu iya.Ia ke bebini Bajik tu endang udah tuai. Bajik tu anak Berinau, orang Ng Minus, Entabai.
https://m.facebook.com/groups/723337659098834/permalink/811530030279596/?mibextid=Nif5oz
Tajau diberi antu agai Chandu
Tajau Begeri Enggi Chandu Bini Galau Ka Basumbar Buau Nyada. Tajau Tu Di Beri Antu Ngagai Chandu Lebuh Iya Agi Di Manua Batang Ai Kalia. Tajau Tu Lalu Di Kembuan Peturun Chandu. Tang Udah Nya, Siku Tuai Di Manua Layar Bisi Mimpi 3 Malam Beturut Di Asuh Antu Ngambi Tajau Nya Ba Peturun Chandu Ka Ngibun Tajau Nya. Enti Enda Ketegal Ari Mimpi. Orang Ka Ngembuan Tajau Nya Sigi Enggai Ngelepas Ka Tajau Nya Ngagai Orang Bukai, Laban Nya Tajau Pesaka Ka Cukup Tuai Umur. Enti hari panas, Tajau nya nemu bepeluh seruran ulih ngendas laban basah. Di Pelaba Ka Aku,Chandu Tu Idup Jeman Perintah Merom Brunai Urung Taun 1500 Kalia. https://www.facebook.com/groups/723337659098834/permalink/817840379648561/?mibextid=Nif5oz
Pun adat barumah Iban ari Pagan
PENATAI KITAI NEMU ADAT BERUMAH
Bau bebini ngambi Selaka, beranak ka Pagan enggau Chandu. Lebuh bala sida Pagan, sida Chandu berumah ba endor siti ba urung semak menoa Tapang Ensawang, Batang Ai, dia sida ngaga rumah panjai, baka sari tu, ngentak ka tiang, peda pagi siti semua tiang ka udah dientak tumbang magang, bisi ninggang sengayan, bisi ninggang sempidan.
Meda utai nyadi nyelai baka nya, diak Pagan mai bala sida serumah baum. Ba pemutus aum sida udah milih Remias seduai Chengas, laban Remias bisi ubat batu lelayang lalu Chengas bisi batu kejunkan kijang ulih pulai ari betanya ka adat, ngagai Angung-Guang seduai Balu Laja di tinting Manang Terung nunggang di Batang Empanang pati Kapuas, seduai tegar bejalai serta ulih pulai ari.
Lebuh udah datai din seduai berandau enggau Angung- Guang seduai Balu Laja, nusoi penusah sida berumah tumbang tiang, kati kita bisi beradat, nadai tak engtak aja ko seduai iya. Enti munyi nya, nya meh kebuah tiang kita abis tumbang.
Jako ajar, terubah iya ngiga tanah di kumbai ngerembang. Lepas nya ngaga tatak penaik, lepas nya sama ramu baka tiang asuh nuntung magang, lepas nya ngintai ka pengelantang nimpuh maia ngentak.
Leboh deka ngentak piring dulu disedia, maia ngentak miring dulu lalu pangkung gendang awak enda ninga burong. Tiang dulu dientak mesti tiang temun (pemun), lepas nya baru tiang nangkan ka nya. Engkahka piring ba lubang tiang temun (pemun), enselan enggau babi, babi di sayat ba pun tiang, apin niri ka tiang temum, engkahka peredah, chapak mumbai ai tanchang sangking ba tiang, ba puchuk tiang engkah ka taya, tiang diminyak enti orang siru. Kebuah engkah taya, awak buban banan nguan rumah. Tiang bukai engkah ka piring siti magang, tiap lubang tiang.
Leboh ngantung pematang perabung ngena gendang, bunuh manuk dua iku ”babi tuduh”, serta enggau piring, nya naka jako ajar ari Angung-Guang seduai Balu Laja.
Lepas nya seduai lalu mulaika diri ngagai Tapang Ensawang baru. Datai seduai di rumah, Pagan mai sida serumah baum lemai nya ka maia ngentak baru.
Lebuh sida berumah baru, sida ngentak ngena jako ajar ari Angung-Guang seduai Balu Laja ka ngagai Chengas seduai Remias., ngena ajar nya , sida nadai agi penanggul, gerai nyamai nguan rumah, alah sida enggai agi diau ba rumah nya.
TUSUT ARI SIDA IA BAKATU:-
- Bau x Selaka = Chandu, Pagan, Buja, Senti, Niok, Mawan
2.Chandu x Galau =Ladang, Kantan
Tusut ke baruh sama magang.
https://www.facebook.com/groups/723337659098834/permalink/818445536254712/?mibextid=Nif5oz
Ibanology 